"დღეს პრობლემად რჩება ოკუპაცია, და ჩვენი მთავარი ამოცანაა, მივაღწიოთ დეოკუპაციას", - ამის შესახებ პარლამენტის ახლადარჩეულმა თავმჯდომარემ, არჩილ თალაკვაძემ ჟურნალისტებს განუცხადა.

როგორც თალაკვაძემ აღნიშნა, მისი თავმჯდომარეობის პერიოდში, საქართველოს პოლიტიკური კურსი არ შეიცვლება და არც ერთი კომპრომისი საქართველოს ეროვნული ინტერესების ხარჯზე არ მოხდება.

"საქართველო აგრესიული დღის წესრიგის მძევალი არ გახდება, ჩვენ აუცილებლად ამ პროცესების ნორმალიზებას მოვახდენთ უმოკლეს დროში, საქართველო აშშ-სთან სტრატეგიული პარტნიორობით, ევროკავშირთან ასოცირების დღის წესრიგით, და ნატო-ში გაწევრიანების სამოქმედო გეგმით, გააგრძელებს თავის მომავალ განვითარებას. ჩვენი ხელისუფლების პირობებში, საქართველოს საგარეო პოლიტიკური კურსი ვერ და არ შეიცვლება, საქართველო თავის ადგილს კიდევ უფრო მეტად დაიმკვიდრებს დასავლურ ოჯახში. რაც შეეხება, ჩვენს პრობლემას, დღეს პრობლემად რჩება ოკუპაცია, და ჩვენი მთავარი ამოცანაა, მივაღწიოთ დეოკუპაციას, როდესაც საქართველოს ტერიტორიული მთლიანობა იქნება აღდგენილი. არც ერთი კომპრომისი საქართველოს ეროვნული ინტერესების ხარჯზე არ მოხდება. ვისი სურვილიც არ უნდა იყოს ეს, იქნება "ნაციონალური მოძრაობა", თუ სხვა ოპოზიციური ლიდერები, საქართველო აგრესიული დღის წესრიგის მძევალი არ გახდება. ჩვენ განვაგრძობთ, მშვიდობის, განვითარების და უსაფრთხოების კონსოლიდაციას საქართველოში", - აღნიშნა თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს