"რეაგირება იქნება მათ მიმართაც, ვინც იყო წამქეზებელი და ორგანიზატორი ძალადობრივი მოქმედებების", - ასე გამოეხმაურა პარლამენტის თავმჯდომარე არჩილ თალაკვაძე 20-21 ივნისს პარლამენტის წინ მიმდინარე მოვლენებს.

როგორც თალაკვაძემ განაცხადა, შინაგან საქმეთა სამინისტრო ძალადობრივი ჯგუფების საპასუხოდ ადეკვატურად მოქმედებდა.

"ჩვენი ფიქრები და რეალობა არის მაქსიმალურად დაშავებულებთან, ადამიანებთან, რომლებმაც ამ მოვლენების შედეგად მიიღეს ჯანმრთელობის დაზიანება, მათ შორის, არიან ახალგაზრდები, ჟურნალისტები და პოლიციელები, რომლებიც იცავდნენ იქ უსაფრთხოებას. ყველაფერი კეთდება, რომ მომავალში, რომ ჩვენი თანამოქალაქეების ჯანმრთელობა მაქსიმალურად სწრაფად იქნას აღდგენილი. ამისათვის სათანადო რესურსებს გამოვყოფთ, როგორც ქვეყნის შიგნით,  ასევე საზღვარგარეთ, იმ კლინიკებში, სადაც ეს იქნება საჭირო. ძალიან სამწუხაროა და გულწფელად განვიცდი, რომ არიან დაშავებულები. რაც შეეხება შსს და გახარიას, ისინი მოქმედებდნენ კონსტიტუციისა და კანონის შესაბამისად, ძალადობრივი ჯგუფის საპასუხოდ. პოლიციის მიმართ იყოს შტურმი, იყო ძალადობა და ბუნებრივია, რომ შემდგომში რაც მოხდა, საპოლიციო მოქმედებები რაც ვნახეთ, ეს იყო რეაგირება, ძალადობრივ შტურმზე. სადაც იყო ძალადობა და ძალის გადამეტება იქნება შესწავლილი, ამაზე სახელმწიფო მოახდენს შესაბამისს რეაგირებას, თუმცა რეაგირება იქნება იმათ მიმართაც ვინც იყო წამქეზებელი", - აღნიშნა არჩილ თაალკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს