აქტივისტი ნინო ბოლქვაძე აცხადებს, რომ "თბილისი პრაიდის" ორგანიზატორები ღირსების მარშის მონაწილეების დასაცავად ყველა მნიშვნელოვან აქტორთან, მათ შორის შინაგან საქმეთა სამინისტროსთან მოლაპარაკებებს აწარმოებენ. 

ბოლქვაძის განმარტებით, შსს-ს წარმომადგენლებთან ბოლო შეხვედრაზე, უწყებამ განაცხადა, რომ რისკების პრევენციისთვის ყველაფერს გააკეთებს. 

"მრავალი თვის განმავლობაში სახელმწიფოსთან და ყველა მნიშვნელოვან აქტორთან ვაგრძელებდით კომუნიკაციას. ბოლო დღეებში, მრავალსაათიანი მუშაობის შედეგად ჩვენ შეგვიძლია ვთქვათ, რომ ორგანიზატორების გუნდის მხრიდან უსაფრთხოების ზომების გათვალისწინება მაქსიმალურად მოხდა. მიმდინარე მომენტშიც მიდის დაძაბული მუშაობა ათეულობით ადამიანის, იმისთვის რომ ყველა ღონისძიებამ ჩაიაროს მშვიდად. ჩართული არიან მაღალჩინოსნებიც, სამართალდამცველებიც და პროცესი არის მუშა. იმედი მაქვს იქნება ეფექტური.

რაც შეეხება რიცხებს, რისკები არსებობს. ამ შემთხვევაში რისკების პრევენციაზე პასუხისმგებელი არიან სახელმწიფო უწყებები. თითოეულ ადამიანს, რომელიც დააპირებს მარშში მონაწილეობას უბრალოდ ვეტყვით, რომ რისკები რა თქმა უნდა არსებობს და მათ გადაწყვეტილება ინდივიდუალურად უნდა მიიღონ, არიან თუ არა მზად რომ ამ ღონისძიებაში მიიღონ მონაწილეობა.

ბოლო შეხვედრაზე, რომელსაც ვესწრებოდი მე, სახალხო დამცველის წარმომადგენელი და აგრეთვე ამერიკის საელჩოს წარმომადგენელიც, იქნა ნათქვამი, რომ შინაგან საქმეთა სამინისტრო ხედავს რისკებს, მაგრამ რა თქმა უნდა გააკეთებს ყველაფერს, რომ რისკები იქნას თავიდან აცილებული და ეს მნიშნელოვანია", - განაცხადა ნინო ბოლქვაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს