პარლამენტის დამოუკიდებელი დეპუტატი ლევან გოგიჩაიშვილი შსს-ს ადამიანის უფლებათა დაცვის დეპარტამენტის დირექტორ ლონდა თოლორაიას, რომელიც სახელმწიფო ინსპექტორობის ერთ-ერთ კანდიდატია, „ადეიშვილის მანიაკალურ სისტემაში აღზრდილ პროკურორს“ უწოდებს.

როგორც მან ჟურნალისტებს განუცხადა, თოლორაიას კანდიდატურას მხარს არ დაუჭერს.

„როდესაც ქალბატონი ლონდა თოლორაია შინაგან საქმეთა სამინისტროში ადამიანის უფლებების სამმართველოს უფროსად დაინიშნა, მაშინ იყო უკვე ეს უბედურება და მაშინ ვუთხარით გახარიას, რომ "რატომ მოგყავს ეს ადეიშვილის კალთაში აღზრდილი ყოფილი პროკურორები, რატომ ნიშნავ ამ თანამდებობაზე?!" იგივე მეზვრიშვილთან დაკავშირებით, საუკეთესო და საყვარელი პროკურორები იყვნენ ისინი ადეიშვილის, შვილებივით ზრდიდა ამ ორ ადამიანს. ვერ გავიგე, რა ვნებაა ადეიშვილის მანიაკალურ სისტემაში აღზრდილი პროკურორების დაწინაურება? ლონდა თოლორაია ისეთივე მანიაკალური თვისებებითაა აღზრდილი,  როგორიც მისი უფროსი, ადეიშვილი იყო. რა თქმა უნდა, მე მას მხარს არ დავუჭერ და ამაზე ღიად ვისაუბრებ. "ქართულმა ოცნებამ" "ნაციონალურ მოძრაობასთან ზღვარი წაშალა და არ მიკვირს, თუ ლონდა თოლორაია თუ გახდება ძალიან მნიშვნელოვანი სამსახურის ინსპექტორი“,  - განაცხადა ლევან გოგიჩაიშვილმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს