დავით სარალიძეს ჯგუფურად განზრახ მკვლელობისთვის ბრალდებული მიხეილ კალანდიას ადვოკატი  ანა კოტეტიშვილი მისი დაცვის ქვეშ მყოფისთვის პატიმრობის შეფარდებას დაუსაბუთებლად მიიჩნევს.

ადვოკატი აცხადებს, რომ დაცვის მხარე გამამართლებელი განაჩენისთვის ბოლომდე იბრძოლებს.

„დაცვის მხარე, რა თქმა უნდა, სასამართლოს ამ გადაწყვეტილებას არ იზიარებს და მიაჩნია, რომ სასამართლო ამ ნაწილში სრულიად დაუსაბუთებელია. ნამდვილად არ არსებობს არანაირი ახალი მტკიცებულება, რაზეც სასამართლომ გააკეთა აპელირება და რომელიც აღკვეთის ღონისძიების - პატიმრობის გამოყენების საფუძველს შექმნიდა. სამართლიანი სასამართლოს განხილვის პირობებში, დაცვის მხარე აუცილებლად იბრძოლებს იმისთვის, რომ დადგეს გამამართლებელი განაჩენი“, - განაცხადა ადვოკატმა ანა კოტეტიშვილმა.

ცნობისთვის, დავით სარალიძის განზრახ ჯგუფურად დამამძიმებელ გარემოებებში მკვლელობის ბრალდებით დაკავებულ მიხეილ კალანდიას აღკვეთის ღონისძიების სახედ პატიმრობა შეეფარდა.

შეგახსენებთ, რომ დავით სარალიძის მკვლელობაში თანამონაწილეობის ბრალდებით, მიხეილ კალანდია 4 ივნისს დააკავეს. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს