იუსტიციის მინისტრი თეა წულუკიანი გენერალური პროკურორის, შალვა თადუმაძის  მიერ უზენაესი სასამართლოს მოსამართლეობის სურვილის გამოხატვას დადებითად აფასებს.

მისი თქმით, თადუმაძე პოლიტიკურად ნეიტრალური გენპროკურორია და არასამთავრობო ორგანიზაციების მხრიდან მის მიმართ პრეტენზიები უსაფუძვლოა.

"ის, რომ ბატონ შალვას აქვს ინტერესი, უზენაეს სასამართლოში მოსამართლე იყოს, ეს მე მედიიდან შევიტყვე. არ დაგიმალავთ, რომ მისი ამ ინტერესის შესახებ გამიხარდა კიდეც, მაგრამ იუსტიციის საბჭოს გადაწყვეტილებას დაველოდოთ, რადგან წინ მას უწევს კონკურსი. რაც შეეხება გენპროკურორობიდან მის შესაძლო წასვლას, ვფიქრობ, რომ ეს პროკურატურისთვის დანაკლისი იქნება, იმიტომ რომ ის  ახლადდანიშნული გენპროკურორია, მას სამოქმედო გეგმა და სტრატეგიული მიზნები აქვს მისაღწევი, და ვფიქრობ რომ ის ამ ფუნქციას დღესაც შესანიშნავად ასრულებს.

მე ვფიქრობ, რომ ბატონი შალვა შესანიშნავი, პოლიტიკურად ნეიტრალური გენპროკურორია, მან ეს საქმეში აჩვენა. ვფიქრობ, პარტიული ნეიტრალიტეტის კუთხით მასთან დაკავშირებით კითხვები ნაკლები იქნება, თუმცა კითხვის დასმის უფლება ყველას აქვს.

 მას ალბათ ვერავინ უსაყვედურებს იმას, რომ წარსულში რაიმე ტიპის უკანონო სასამართლო გადაწყვეტილებები აქვს მიღებული. ხშირად, სწორედ ეს იყო კრიტიკა არასამთავრობო სექტორიდან და ეს კრიტიკა ბატონ შალვასთან მიმართებაში უსაფუძვლოა",- განაცხადა თეა წულუკიანმა.

მინისტრმა ჟურნალისტების კითხვაზე, თუ როგორ შეაფასებდა ის უზენაესი მოსამართლეობის კანდიდატების სიას, კომენტარი არ გააკეთა.

"მე არ ვფიქრობ, რომ მოსამართლეობის კანდიდატთა სია იუსტიციის მინისტრის შესაფასებელია. ამ შეფასებისგან მევალება თავი შევიკავო და ამ უფლებით ვისარგებლებ",- განაცხადა თეა წულუკიანმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს