აჭარის ა/რ ჯანმრთელობისა და სოციალური დაცვის სამინისტროს 2019 წელის ბიუჯეტი 2 899 600 ლარით გაიზრდება.

დაგეგმილი ცვლილების შესახებ აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე, მინისტრმა - ზაალ მიქელაძემ ისაუბრა.

ცვლილების თანახმად:

„ავთვისებიანი სიმსივნით დაავადებულ პაციენტთა დამატებითი სამედიცინო მომსახურების” პროგრამის ბიუჯეტი გაიზრდება 450 000 ლარით. 2019 წლის 1 მაისის მდგომარეობით პროგრამის ფარგლებში უკვე გაცემულია 1746 ვაუჩერი.

„მოსახლეობის ინდივიდუალური სამედიცინო დახმარების“ პროგრამა გაიზრდება 1 465 680 ლარით და ძირიადად მოხმარდება ღვიძლისა და ძვლის ტვინის ტრანსპლანტაციის, ასევე გაფანტული სკლეროზის ძვირადღირებული სამედიცინო მომსახურების დაფინანსებას.

 450 000 ლარით იზრდება „გულის ქირურგიის დამატებითი სამედიცინო მომსახურების“ პროგრამა. 1 მაისის მდგომარეობით გაცემულია 573 ვაუჩერი.

ჯანმრთელობის დაცვის მიმართულებით 2019 წლიდან დაგეგმილია „ბავშვებში ტყვიის ტოქსიური ზემოქმედების მართვის ხელშეწყობის“ საპილოტე პროგრამის ამოქმედება, რომლის ბიუჯეტი განისაზღვრება 99 000 ლარით.

35,800 ლარით გაიზრდება „შეზღუდული შესაძლებლობის მქონე და ხანდაზმულ პირთა გადაადგილების საშუალებებით უზრუნველყოფის“ პროგრამა. დაგეგმილია დამატებით 10 ელექტრო სავარძელ-ეტლის შეძენა.

8 400 ლარი დაემატება „სმენადაქვეითებულ მოქალაქეთა სმენის აპარატებით უზრუნველყოფის პროგრამას“. 2019 წლიდან პროგრამის ფარგლებში შეზღუდული შესაძლებლობის სტატუსის მქონე მძიმე ხარისხის სმენადაქვეითებული ბავშვებისათვის (18 წლის ასაკამდე) გაიცემა ახალი ტიპის სმენის აპარატები. პროგრამით გათვალისწინებული იყო 20 აპარატის შეძენა. უკვე დაფინანსებულია 18 აპარატი. გაზრდილი თანხა მოხმარდება დამატებით 6 აპარატის შეძენას.

„შეზღუდული შესაძლებლობის მქონე და ხანდაზმულთა სხვა დამხმარე საშუალებებით უზრუნველყოფის“ პროგრამას დაემატება 232 200 ლარი.

74,560 ლარით გაიზრდება „ბავშვთა ფსიქოსომატური აბილიტაცია/რეაბილიტაციის“ პროგრამა. ამჟამად პროგრამის ფარგლებში მომსახურება მიეწოდება 700 ბენეფიციარს. დამატებით მომსახურებას მიიღებს 80 ბენეფიციარი.

 „ბავშვთა ადრეული განვითარების“ პროგრამის გაზრდილი ბიუჯეტით ისარგებლებს 40 ბენეფიციარი. ამჟამად მომსახურება მიეწოდება 250 ბენეფიციარს. ბიუჯეტი გაიზრდება 40 320 ლარით.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია