„ევროპული საქართველოს“ ერთ-ერთი ლიდერი გიგა ბოკერია შინაგან საქმეთა სამინისტროს განცხადებას გამოეხმაურა, რომელშიც აღნიშნულია, რომ „თბილისი პრაიდის“ ორგანიზატორების მიერ დაგეგმილ ადგილებზე ღონისძიებების ჩატარება, უსაფრთხოების რისკების გათვალისწინებით, შეუძლებელია.

როგორც დეპუტატმა აღნიშნა, უწყება ღონისძიებების მონაწილეებს არა „ვერ“, არამედ „არ“ დაიცავს, რადგან მისივე თქმით, ჯგუფები, რომლებიც პრაიდის ჩაშლით იმუქრებიან, ხელისუფლებასთან არიან შეკრული.

 „ჩვენ ბოლო 6 წლის განმავლობაში გვაქვს ვითარება, როდესაც პრორუსული, პროპუტინური ჯგუფები, რომლებიც არიან მთავრობის მოკავშირეები ყველა არჩევნებზე, დაუსჯელად სჩადიან ძალადობას ყველანაირი უმცირესობების წინააღმდეგ. ბუნებრივია, რომ ეს აბსოლუტურად არანორმალური კლიმატია. შსს დღეს აცხადებს, რომ ამ ხალხს "ვერ", ანუ არ დასჯის და ჩვენ ვიხილეთ, როგორ გამოიყენეს ეს ხალხი ბასიანთან დაკავშირებით პროტესტის დროს. ეს ხალხი მოვიდა, ფიზიკური შეურაცხყოფა მიაყენეს პოლიციელებსაც და ამ ხალხის ძალადობით და აგრესიით პროტესტის ორგანიზატორებს ემუქრებოდნენ. ეს არის ძალიან სამარცხვინო და სახიფათო ვითარება ჩვენს ქვეყანაში თავისუფლებისთვის“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს