2019-05-31 17:07:04, 1773 ნახვა
კომენტარი
ივანე მაჭავარიანი: შეიძლება საბანკო რეგულაციების შერბილება გახდეს საჭირო
ფინანსთა მინისტრი ივანე მაჭავარიანი არ გამორიცხავს, რომ ეროვნულმა ბანკმა საბანკო რეგულაციების შერბილების გადაწყვეტილება მიიღოს.
მისივე თქმით, საკითხი გადახედვას და მსჯელობას საჭიროებს.
"მე მჯერა, რომ თუ ვნახავთ, რომ რეგულაცია შესარბილებელია, თუ ნახავს ეროვნული ბანკი, რომელიც დამოუკიდებელია და ეს არაერთხელ დაამტკიცა, რომ დამოუკიდებელი ინსტიტუტია, ის ამას გადახედავს. საბოლოო მიზანი სწორი ეკონომიკური, მონეტარული პოლიტიკის განხორციელებაა. ნახავენ, შეხედავენ, ჩვენც ერთად ვიმსჯელებთ. ჩვენი მონაცემებით, სამომხმარებლოში შენელება არის, იპოთეკურში ზრდის შენელებაა, კლება არ არის, თუმცა მე მგონია, რომ იპოთეკას მეტი პოტენციალი აქვს და ამ პოტენციალის გახსნისთვის, შეიძლება შერბილება გახდეს საჭირო", - განაცხადა ივანე მაჭავარიანმა.
ავტორი: ექსპრესნიუსი,
epn.ge (@expressnews.ge)
