ვიზალიბერალიზაციის შეჩერების საკითხი არ დგას , - ამის შესახებ პრემიერ-მინისტრმა მამუკა ბახტაძემ დღეს გამართულ პრესკონფერენციაზე განაცხადა.

როგორც მთავრობის მეთაურმა აღნიშნა, ვიზალიბერალიზაციის შენარჩუნებას საქართველოს ყველა მოქალაქე დიდი პასუხისმგებლობით უნდა მოეკიდოს.

 „საფრანგეთი არის ჩვენი მეგობარი ქვეყანა და ჩვენი მნიშვნელოვანი, სტრატეგიული პარტნიორი, რომელიც დამოუკიდებლობის გამოცხადების დღიდან არის ჩვენს გვერდით და მე საფრანგეთსა და ფრანგ ხალხს მინდა მადლობა გადავუხადო ძალიან სოლიდური მხარდაჭერისთვის, რასაც ისინი ახორცილებენ ყოველწლიურად. ბუნებრივია, ჩვენ გვაქვს ჩვენი ცივილიზაციური არჩევანი - ევროპული ოჯახი. ამ გზაზე ასოცირების ხელშეკრულება და ვიზალიბერალიზაცია არის ორი ყველაზე დიდი მონაპოვარი, რომელსაც ჩვენ განსაკუთრებით ვუფრთხილდებით და, რა თქმა უნდა, საზოგადოების თითოეული წევრი, ჩვენ განსაკუთრებული პასუხისმგებლობით უნდა მოვეკიდოთ ამ საკითხს. რაც შეეხება, თვითონ მინისტრის ვიზიტს ჩვენ ძალიან ფართო სპექტრი განვიხილეთ ჩვენი ურთიერთობების, ფაქტობრივად ყველა სფერო და მე ვფიქრობ, რომ ის გეგმები, რომელიც დავსახეთ უფრო მეტად გვაძლევს იმის თქმის საშუალებას, რომ საქართველოსა და საფრანგეთს შორის ურთიერთობები გადავა ახალ ეტაპზე. ბუნებრივია იმ საშიშროებებზე, რომელზეც თქვენ საუბრობთ თვითონ ფრანგმა კოლეგამ გასცა ერთმნიშვნელოვანი პასუხი და საკითხი ბუნებრივია ასე არ დგას. ამას ჩვენ, თითოეულმა მოქალაქემ უნდა შევხედოთ სახელმწიფოერივი აზროვნებით. ეს არ არის ვინმეს მონაპოვარი, ეს არის საქართველოს მონაპაროვარი, ეს არის ჩვენი ეროვნული ინტერესების ნაწილი და თითოეული მოქალაქე განსაკუთრებული პასუხისმგებლობით უნდა მოვეკიდოთ ამ მონაპოვარს“, - აღნიშნა მამუკა ბახტაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით