საქართველოს პრეზიდენტის სალომე ზურაბიშვილის Twitter-ის ოფიციალური გვერდის შესაძლო გატეხვასთან დაკავშირებით, მოკვლევა დაიწყო. 

როგორც "ექსპრესნიუსს" შინაგან საქმეთა სამინისტროში განუცხადეს, უწყებაში აღნიშნული საქმის შესწავლა მიმდინარეობს. 

მათივე ცნობით, დანაშაულის ნიშნების გამოკვეთის შემთხვევაში დაიწყება გამოძიება. 

შეგახსენებთ, საქართველოს პრეზიდენტმა სალომე ზურაბიშვილმა Twitter-ის ოფიციალურ გვერდზე აშშ-ის პრეზიდენტის დონალდ ტრამპის ის პოსტი გააზიარა, სადაც თეთრი სახლის ხელმძღვანელი პრეზიდენტობის კანდიდატს ჯო ბაიდენს „მძინარას" უწოდებს. მოგვიანებით პრეზიდენტის პრესპიკერმა ხატია მოისწრაფიშვილმა ბრიფინგი გამართა, სადაც განაცხადა, რომ პრეზიდენტის სოციალურ ქსელებს შესაბამისი სამსახური [მენეჯერი] მართავს და სავარაუდოდ მოხდა შეცდომა. ამასთან, მოისწრაფიშვილმა კიბერთავდასხმაც არ გამორიცხა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა