Facebook-ის მომხმარებელი თეკო მიქაძე საჯარო პოსტს აქვეყნებს და წერს, რომ მასზე ორმა კაცმა და ერთმა ქალმა ფიზიკურად იძალადა.

მიქაძის ინფორმაციით, ძალადობის მსხვერპლი მას შემდეგ გახდა, რაც თქვა, რომ მისი მცირეწლოვანი შვილი ყოფილი მეუღლის სახლში სცემეს. შემთხვევა ვანში მოხდა.

როგორც ქალი აცხადებს, ის მეუღლეს რამდენიმე წლის წინ მასზე განხორციელებული ძალადობის გამო დაშორდა. გარდა ამისა, მიქაძის მტკიცებით, ყოფილი მეუღლის ოჯახი რამდენჯერმე მის მამას ფიზიკურად გაუსწორდა. 

"მამაჩემი სამჯერ ცემა ჩემმი ყოფილი ქმრის ოჯახმა. ერთხელ ჩემმა ყოფილმა მამამთილმა გადაარტყა თავში რკინა და ორჯერ ჩემმა ყოფილმა ქმარმა მუცელში ჩაარტყა. ქმარსაც რა თქმა უნდა იმიტომ დავშორდი რომ ყველანაირად ძალადობდა ჩემზე, რასაც აქამდე არ ვამბობდ, იმიტო რომ ისეც ჩემ შვილს ვუფრთხილდებოდი. ამდენი წელია ვისაც უნდა ყველა მე მირტყამს ან ჩემს ოჯახს და კაცი შვილი არაა პატრონი. პოლიციაში წავიდე რა აზრი არ აქვს თემოს მამა პოლიციელია", - წერს ქალი და ნაცემი ბავშვის ფოტოს აქვეყნებს. 

"ექსპრესნიუსს" შინაგან საქმეთა სამინისტროში განუცხადეს, რომ გვიან ღამით, პოსტის დაწერიდან რამდენიმე წუთში, პოლიციამ მოახდინა რეაგირება და გამოძიება სსკ-ის 126-ე პრიმა მუხლით დაიწყო, რაც ოჯახში ჩადენილ ძალადობას გულისხმობს.

უწყების ცნობით, გამოძების ფარგლებში, მიმდინარეობს გამოკითხვები, დაინიშნა სასამართლო-სამედიცინო ექსპერტიზა, როგორც ბავშვის ისე მისი დედის ჯანმრთელობის დაზიანების ხარისხის დადგენის მიზნით.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა