2015-06-25 13:35:01, 391 ნახვა
პოლიტიკა
თინა ხიდაშელი ვიზალიბერალიზაციის პროცესის დაჩქარებას ითხოვს
საქართველოს თავდაცვის მინისტრი თინა ხიდაშელი ბრიუსელში ვიზიტს განაგრძობს.
თავდაცვის სამინისტროს ინფორმაციით, ვიზიტის ფარგლებში, თინა ხიდაშელი ევროპარლამენტის ევროპის სახალხო პარტიის პოლიტიკური ჯგუფის თავმჯდომარეს, მანფრედ ვებერს შეხვდა.
შეხვედრაზე მინისტრმა ვიზალიბერალიზაციის დაჩქარებაზე ისაუბრა.
„ჩვენ შევასრულეთ ვალდებულებები, ახლა საჭიროა დაჩქარდეს ვიზალიბერალიზაციის მინიჭების პროცესი“, – განაცხადა ხიდაშელმა.
ევროპის სახალხო პარტიის პოლიტიკური ჯგუფის თავმჯდომარემ ევროპას გააქტიურებისკენ მოუწოდა და საქართველოში არსებული მცოცავი ოკუპაციის გამო შეშფოთება გამოხატა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
