„ეს არის არალეგიტიმური ორგანოს გადაწყვეტილება და შესაბამისად, რაიმე სერიოზული კომენტარის გაკეთება არასწორია. ეს მიუთითებს იმ ძალიან მძიმე სურათზე, რომელიც ჩამოყალიბებულია ოკუპირებულ ტერიტორიებზე და ამაში მთავარი დამნაშავე არის ჩრდილოელი მეზობელი",- ასე აფასებს საქართველოს პარლამენტის თავმჯდომარე ოკუპირებულ აფხაზეთში, დე ფაქტო ხელისუფლების მიერ სიკვდილით დასჯის შემოღებას.

ირაკლი კობახიძის თქმით, ეს ოკუპირებულ ტერიტორიებზე ადამიანის უფლებათა მდგომაროების კუთხით არსებული ერთადერთი პრობლემა არ არის. პარლამენტის თავმჯდომარის განცხადებით, ხელისუფლება მაქსიმალურად ცდილობს არსებული მდგომარეობის გამოსწორებას, თუმცა, სამწუხაროდ, მისი და საერთაშორისო პარტნიორების რესურსები შეზღუდულია. ჟურნალისტებთან საუბრისას, ირაკლი კობახიძემ ხაზგასმით აღნიშნა, რომ  ეთნიკური ქართველების უფლებებთან ერთად, მნიშვნელოვანია ოკუპირებულ რეგიონებში მცხოვრები აფხაზებისა და ოსების უფლებების დაცვაც.

„იცით, რომ მაქსიმალურად ვცდილობთ, ამ კუთხით გამოვასწოროთ მდგომაროება. ჩვენთვის მნიშვნელოვანია არა მარტო ეთნიკური ქართველების უფლებების დაცვა ამ ტერიტორიებზე, არამედ, რა თქმა უნდა,  ჩვენთვის მნიშვნელოვანია აფხაზების და ოსების ინტერესების და უფლებების დაცვაც. აქედან გამომდინარე, ჩვენი მხრიდან რაც კი შეიძლება გაკეთდეს, ყველაფერი უნდა გაკეთდეს, თუმცა, იცით, რომ სამწუხაროდ, ჩვენი რესურსები, ასევე, სამწუხაროდ, ჩვენი საერთაშორისო პარტნიორების რესურსები არის შეზღუდული, თუმცა, ამ შეზღუდული რესურსების ფარგლებში, ყველაფერი უნდა გაკეთდეს ადამიანების უფლებების დაცვის უზრუნველსაყოფად",- განაცხადა პარლამენტის თავმჯდომარემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ