2015-06-23 11:14:10, 668 ნახვა
საზოგადოება
ტეტანუსის აცრა 2000-მდე ადამიანმა გაიკეთა
შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, ტეტანუსის აცრა სტიქიის სალიკვიდაციო სამუშაოებში ჩართულმა 2000-მდე ადამიანმა გაიკეთა.
ამის შესახებ სერგეენკომ მთავრობის სხდომის დაწყებამდე ჟურნალისტებს განუცხადა.
როგორც სერგეენკომ აღნიშნა, მოხალისეები სამუშაოდ ისეთ არეალში იყვნენ გადანაწილებული, სადაც ინფექციის რისკი ძალიან დაბალი იყო.
„ამ დილის მონაცემებით ტეტანუსის აცრა 2000-მდე ადამიანმა გაიკეთა. მთელი ამ დღეების განმავლობაში, როგორც თბილწყალკანალის, ისე სურსათის უვნებლობის სააგენტოს მიერ მკაცრად გაკონტროლებული იყო სასმელი წყლის ხარისხი, წყლის დაბინძურების არცერთი შემთხვევა არ აღმოჩნდა“,-განაცხადა დავით სერგეენკომ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
