თუ პოლიტიკოსი ხმას აიმაღლებს, სიმამაცეც უნდა ეყოს და აღიაროს, რომ ივანიშვილი დგას ყველაფრის უკან, - ამის შესახებ „ევროპული საქართველოს“ წევრამ ოთარ კახიძემ, დეპუტატ ეკა ბესელიას მიერ „ქართული ოცნების“ დატოვებასთან დაკავშირებით განაცხადა.

"მე მგონი საზოგადოება დაიღალა დღეს, ხვალ და შემდეგ ორშაბათს რაღაცეების დაანონსებით და ეს რაღაცნაირად უნდა დასრულდეს. თუ რეალურად პრობლემის დასახელება უნდა, კობახიძეზე და ოხანაშვილზე კი არ უნდა გაიშვიროს ხელი და მათ კი არ უნდა დააბრალოს ის პრობლემები რომელიც ქვეყანაშია შექმნილი, პარტიის თავმჯდომარე, ბიძინა ივანიშვილი დგას ამ ყველაფრის უკან. თუ პოლიტიკოსი ხმას აიმაღლებ იმის სიმამაცეც უნდა გეყოს, რომ ყველაფერს თავისი სახელი დაარქვა“, - აღნიშნა კახიძემ.

რაც შეეხება კითხვას, ითანამშრომლებს თუ არა „ევროპული საქართველო“ ეკა ბესელიასთან, კახიძემ ასე უპასუხა: „ჩვენ გამოვრიცხავთ თანამშრომლობას მასთან ვინც რაღაც დანაშაულებრივ რეჟიმად მიგვიჩნევს“.

შეგახსენებთ, იურიდიული კომიტეტის ყოფილმა თავმჯდომარემ ეკა ბესელიამ პარტია "ქართული ოცნება" და საპარლამენტო უმრავლესობა დატოვა. 

ავტორი: ,

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა