„მოსამართლეთა უვადოდ დანიშვნების შეჩერება, ეს არის ერთერთი მნიშვნელოვანი კომპონენტი სასამართლოში არსებული სისტემის გაჯანსაღების“, - ამის შესახებ „ევროპული საქართველოს“ ლიდერმა, დავით ბაქრაძემ სასამართლო რეფორმასთან დაკავშირებით განაცხადა.

 როგორც ბაქრაძემ განაცხადა, სისტემის შესაცვლელად პოლიტიკური გადაწყვეტილების მიღება და ხელისუფლების პოლიტიკური იძულებაა საჭირო.

„ის ფაქტი,რომ უმრავლესობა უარს ამბობს მოსამართლეთა უვადოდ დანიშვნის შეჩერებაზე , ცალსახად ადასტურებს, რომ მათ კლანური მმართველობის შეცვლის  არანაირი სურვილი არ გააჩნიათ.  დანიშვნების შეჩერება არის მხოლოდ ნაწილი, ვინაიდან დღეს არსებული მდგომარეობითაც კი ვადით დანიშნული მურუსიძე ძალიან წარმატებით ახერხებს სისტემის კონტროლს კლანის მეშვეობით.  აუცილებელია სისტემის გახსნა, დისკუსია საზოგადოების, ოპოზიციური პარტიების, არასამთავრობო სექტორის, იუსტიციის საბჭოს არამოსამართლე წევრებს შორის. სისტემის შესაცვლელად პოლიტიკური გადაწყვეტილების მიღების და ხელისუფლების პოლიტიკური იძულების გარეშე, ჩვენ წინ ვერ წავალთ,  რადგან კონკრეტულ კანონპროექტზე უკვე გამოჩნდა,რომ ხელისუფლებას არაფრის გაკეთება არ სურს და აწყობს სასამართლოში დღეს, არსებული სიტუაცია. დანიშვნების შეჩერებაც და  მთლიანად სისტემის გაჯანსაღებაც უნდა მოხდეს, პირველ რიგში, სწორედ, საზოგადოების აქტიურობის და საზოგადოების ზეწოლის შედეგად და ეს არის ის გზა ,რომლითაც  აპირებს რომ მომავალში წავიდეს საპარლამენტო უმცირესობა“, - განაცხადა დავით ბაქრაძემ.

ავტორი: ,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა