„სახელმწიფოსთან ჩემი შეტყობინების შემდეგ ჩაითვალა, რომ საფრთხე არ არსებობდა და, რა თქმა უნდა, ეს ჩემი ბრალია“, - ამის შესახებ ზოოპარკის დირექტორმა ზურაბ გურიელიძემ ჟურნალისტებს ვეფხვის ადამიანზე თავდასხმის ფაქტის კომენტირებისას განუცხადა.

გურიელიძის თქმით, გუშინ საღამოს არსებული ინფორმაციით, საფრთხე აღარ არსებობდა.

„ძალიან მძიმე შემთხვევა მოხდა და ამას ვაცნობიერებთ, მაგრამ მიუხედავად ამისა მოსახლეობას სიმშვიდისკენ მინდა მოვუწოდო. ზოოპარკის ადმინისტრაცია ძალიან აქტიურად მუშაობს სახელმწიფო სტრუქტურებთან ინფორმაციის გაცვლის მიზნით და სტიქიის ღამის შემდეგ მიმდინარეობდა დაღუპული და დაკარგული ცხოველების რაოდენობების მონიტორინგი. ყველა ინფორმაციით, რაც გუშინ საღამოს გვქონდა, ეს საფრთხე აღარ არსებობდა და ამის შესახებ გუშინაც განვაცხადე. როდესაც ეს ინფორმაცია შევაჯამეთ, მივიღეთ ასეთი შედეგი. ამის მიუხედავად, შსს ახორციელებდა მონიტორინგს, მაგრამ შიგნით შენობებში მონიტორინგი არ ხორციელდებოდა. სამწუხაროდ, მოხდა ისე, რომ ვეფხვი, რომელიც ჩათვლილი იყო როგორც მოკლული, აღმოჩნდა ცოცხალი და დამალული ერთ-ერთ შენობაში. სახელმწიფოსთან ჩემი შეტყობინების შემდეგ ჩაითვალა, რომ საფრთხე არ არსებობდა და რა თქმა უნდა, ეს ჩემი ბრალია“, - განაცხადა ზურაბ გურიელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა