შუახევის მერი ფრიდონ ფუტკარაძე საკრებულოს თავმჯდომარე გიორგი დავითაძესთან და სხვა ხელმძღვანელ პირებთან ერთად დაბის ბაგა-ბაღში იმყოფებოდა. ახლად გარემონტებული ბაგა-ბაღის შენობა დაათვალიერა და აღსაზრდელებსა და პედაგოგებს სასწავლო- სააღმზრდელო პროცესის განახლება მიულოცა.

 „ვულოცავ ბაგა-ბაღის ყველა პატარასა და აღმზრდელს სააღმზრდელო პროცესის განახლებას და ვუსურვებ წარმატებულ, ნაყოფიერ წელს. ჩვენი მიზანია ყველა ბავშვმა გაიაროს ეს უმნიშვნელოვანესი ეტაპი, რასაც სააღმზდელო დაწესებულებაში მიღებული პირველადი განათლება ქვია. მაქსიმალურად ვცდილობთ, რომ ბავშვებს და მასწავლებლებს ჰქონდეთ კომფორტული პირობები“, - განაცხადა ფრიდონ ფუტკარაძემ.

დაბის ბაგა-ბაღში განახლებული ინფრასტრუქტურით 110 აღსაზრდელი ისარგებლებს.

შენობაში შეიცვალა შიდა კომუნიკაციები, გადაიხურა შენობის სახურავი, გარემონტდა შიდა და გარე ფასადი, მოეწყო საძინებლები, გასართობი ოთახები, სველი წერტილები, სამზარეულო, აშენდა საქუაბე და დამონტაჟდა ცენტრალური გათბობის სისტემა.

თანამედროვე სტანდარტების შესაბამისი ბაღის რეაბილიტაციაზე ადგილობრივი ბიუჯეტიდან 225 000 ლარი დაიხარჯა. სამუშაოებს ტენდერში გამარჯვებული შპს ,,ბილდ მენეჯმენტი“ ახორციელებდა, რომელსაც 10-ამდე ადგილობრივი ჰყავდა დასაქმებული.

დღეის მდგომარეობით შუახევში 11 ბაგა-ბაღი და 6 ალტერნატიული ჯგუფი ფუნქციონირებს. სარეაბილიტაციო სამუშაოები მიმდინარეობს ბუთურაულის ბაგა-ბაღზე, ახალი ბაგა-ბაღი შენდება ხაბელაშვილებში, დაგეგმილია ჯაბნიძეებში ბაღის მშენებლობა და რამდენიმე ალტერნატიული ჯგუფის გახსნა.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა