საქართველოში მომხდარ წყალდიდობასთან დაკავშირებით, ევროკავშირის უმაღლესმა წარმომადგენელმა ფედერიკა მოგერინიმ, ევროკომისარმა ჰუმანიტარული დახმარებისა და კრიზისების მართვის საკითხებში, ქრისტოს სტილიანიდისმა და  ევროკომისარმა გაფართოებისა და ევროპული სამეზობლო პოლიტიკის საკითხებში იოჰანეს ჰანმა განცხადება გააკეთეს.

მათი თქმით,  ევროკავშირი საქართველოს უპირობო სოლიდარობას უცხადებს და ქვეყნის დასახმარებლად, სტიქიის შედეგებთან საბრძოლველად მზად არიან.

"ამ გაჭირვების ჟამს ევროკავშირი მხარში უდგას და უპირობო სოლიდარობას უცხადებს საქართველოს. ჩვენ ვწუხვართ თბილისში ბოლო ორი დღის განმავლობაში უწყვეტი წვიმიანობით გამოწვეული წყალდიდობის მსხვერპლთა გამო და თანავუგრძნობთ დაზარალებულებს. სწრაფი რეაგირების საკოორდინაციო ცენტრი უწყვეტად ადევნებს თვალყურს მიმდინარე მოვლენებს. ჩვენ ვინარჩუნებთ კონტაქტს საქართველოს ხელისუფლებასთან და მზად ვართ ქვეყნის დასახმარებლად სტიქიის შედეგებთან საბრძოლველად, რომელმაც შეიწირა ადამიანთა სიცოცხლე, გამოიწვია დედაქალაქის ინფრასტრუქტურის მნიშვნელოვანი დაზიანება და ძირითადი მომსახურების შეჩერება",-აღნიშნულია მათ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო