არჩევნების დროს შავი პიარის და ნეგატიური კამპანიის წარმართვა ახალი ხერხი არ არის.

 ამ ტაქტიკას ოპონენტის დისკრედიტაციისთვის იყენებენ მთელ მსოფლიოში.

კვლევითი კომპანია Wesleyan Media Project-ის მონაცემების თანახმად, 2012 წელს, საარჩევნო კამპანიის ფარგლებში ბარაკ ობამას რეკლამირებაზე დახარჯული 239 მლნ აშშ დოლარის მხოლოდ 6% დაიხარჯა პოზიტიური მესიჯების გაჟღერებაზე...  

ნეგატიური მესიჯებით გამოირჩევა საქართველოში მიმდინარე საარჩევნო კამპანიებიც. თბილისში გამოჩნდა ბილბორდები, რომელზეც დატანილმა ვიზუალმა და გზავნილმა გააღიზიანა საზოგადოების ერთი ნაწილი.

 „რემაინდერის“ დამფუძნებელისა და PR სპეციალისტის, გიორგი კალატოზიშვილის თქმით,  მსგავსი აგრესიული მიდგომა მმართველ გუნდსა და მის მხარდაჭერილ საპრეზიდენტო კანდიდატს, სალომე ზურაბიშვილს სასურველ შედეგს მოუტანს, რადგან არჩევნების მეორე ტურზე მივლენ ადამიანები, რომელთაც სურთ აირიდონ არასასურველი შედეგის მიღება ახლო მომავალში.

„ორივე კანდიდატის, სალომე ზურაბიშვილის და გრიგოლ ვაშაძის საარჩევნო შტაბი მუშაობს პოტენციური ამომრჩევლის მობილიზებაზე. ადამიანების მობილიზება შეუძლებელია მოტივირების გარეშე. მოტივაცია კი არის ენერგია, რომელიც შეგიძლია გამოიყენო, როგორც უარყოფითი შედეგის ასარიდებლად (მოტივაცია Away-From, რაღაცის არიდება), ისე სასურველი შედეგის მისაღებად (მოტივაცია Towards, რაღაცისკენ სწრაფვა). რეკლამის და ნლპ ტექნოლოგიების სპეციალისტებმა ეს კარგად იციან და აქვთ ადამიანების დარწმუნების და მოტივირების უნარი. ეს კარგად ჩანს ახალი ბანერებიდან, რომელიც საზოგადოების გარკვეულ ნაწილზე მოქმედებს საფრთხობელასავით და ააქტიურებს მოტივაციას Away-From, რომლის მიზანია უსიამოვნო შედეგისგან თავის დაზღვევა („ნაციონალური მოძრაობის“, ან მისი სატელიტის ხელისუფლებაში დაბრუნების პერსპექტივა). ვფიქრობ, თავისი ბრუტალური ფორმისა და შინაარსის მიუხედავად, ასეთი აგრესიული კომუნიკაცია მოუტანს სასურველ შედეგს „ქართულ ოცნებას“ და სალომე ზურაბიშვილს, რადგან მე-2 ტურზე მეტწილად მივლენ ის ადამიანები, რომლებიც შესაძლოა ვერ ხედავენ პოზიტიურ დინამიკას და სასურველ მიზანს, მაგრამ აქვთ საკმარისი მოტივაცია (Away-From) იმისთვის, რომ აირიდონ, მოიშორონ, არ დაუშვან, უკუაგდონ, არასასურველი შედეგის მიღება ახლო მომავალში“, - განაცხადა გიორგი კალატოზიშვილმა.

ავტორი: ,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს