2015-06-14 10:22:42, 396 ნახვა
საზოგადოება
თავდაცვის სამინისტრო სამაშველო და გაწმენდით სამუშაოებს აგრძელებს
თავდაცვის სამინისტროს პირადი შემადგენლობა, რომელიც სამაშველო და გაწმენდით სამუშაოებშია ჩართული, ორ ნაწილად არის გაყოფილი.
თავდაცვის სამინისტროს ინფორმაციით, საინჟინრო ბრიგადის პირადი შემადგენლობა და ლოჯისტიკური უზრუნველყოფის სარდლობა დილიდან სამაშველო და გაწმენდის სამუშაოებს ზოოპარკის მიმდებარე ტერიტორიაზე, ასევე ვაკე-საბურთალოს ახალ გზაზე ასრულებენ.
მობილიზებულია ლოჯისტიკური უზრუნველყოფის სარდლობის სპეციალური ტექნიკა. თავდაცვის უწყების დანაყოფები მეწყერისგან გაწმენდის სამუშაოებს წყნეთი-ახალდაბის გზაზეც ასრულებენ. ამ დროისათვის წყნეთი-ბეთანიის გზაზე გრუნტის გეოლოგიური შესწავლა მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
