იუსტიციის მინისტრი, თეა წულიკიანი ოფიციალური ვიზიტის ფარგლებში ხორვატიაში იმყოფება.

თეა წულუკიანს ორმხრივი შეხვედრები აქვს დაგეგმილი ხორვატიის იუსტიციის მინისტრ დრაჟენ ბოშნიაკოვიჩსა და საჯარო ადმინისტრაციის მინისტრ ლოვრო კუსკევიჩთან.

ორდღიანი ვიზის ფარგლებში სხვა არაერთი შეხვედრა და ღონისძიებაა დაგეგმილი. ხორვატ კოლეგასთან შეხვედრის შემდეგ თეა წულუკიანი და დრაჟენ ბოშნიაკოვიჩი ხელს მოაწერენ მემორანდუმს, რომელიც საქართველოსა და ხორვატიას შორის იუსტიციის სფეროში თანამშრომლობას ითვალისწინებს.

იუსტიციის მინისტრი, აგრეთვე, შეხვდება ნარკომანიის წინააღმდეგ ბრძოლის ოფისის ხელმძღვანელს და ნარკოდანაშაულის წინააღმდეგ ბრძოლის კუთხით  ხორვატიის პოლიტიკასა და მიდგომებს გაეცნობა. თეა წულუკიანი შეხვედრას გამართავს ხორვატიის უზენაესი სასამართლოს თავმჯდომარესა და ხორვატიის გენერალურ პროკურორთან.

ვიზიტის ფარგლებში თეა წულუკიანი ხორვატიის პენიტენციურ დაწესებულებასაც მოინახულებს და სასჯელაღსრულების, რაებილიტაციის, პრობაციისა და დანაშაულის პრევენციის სისტემების ფუნქციონირებას გაეცნობა.

(NS)

ავტორი: ,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის