"ქართული ოცნების"  პოლიტსაბჭოს წევრმა და პარლამენტის ვიცე-სპიკერმა გია ვოლსკიმ განაცხადა, რომ დაზუსტებით პარტიას საკუთარი კანდიდატი არ ეყოლება.

„არ მაქვს უფლებამოსილება წინასწარ გავაკეთო განცხადებები. ძალიან მალე იქნება ამის შესახებ ცნობილი. აქ არ არის მარტო ერთ კანდიდატზე საუბარი, აქ ლაპარაკია, რა ფორმით და როგორ დავუჭერთ მხარს იმას, ვისაც შევარჩევთ”, – განაცხადა გია ვოლსკიმ.

პარლამენტის ვიცე-სპიკერის, თამარ ჩუგოშვილის განცხადებით, დღევანდელი პოლიტსაბჭოს შემდეგ გახდება ცნობილი, ვის დაუჭერს მხარს „ქართული ოცნება“ საპრეზიდენტო არჩევნებზე.

"გუნდში აზრთა სხვადასხვაობა იყო იმასთან დაკავშირებით, უნდა ჰყოლოდა „ქართულ ოცნებას“ თავის კანდიდატი, თუ უნდა დაეჭირა მხარი დამოუკიდებელი კანდიდატისთვის. რაც შეეხება კანდიდატების სიას, როგორც გავიგე საკმაოდ დიდია, 40-ზე მეტი ადამიანია ამ სიაში, ყველას ალბათ არ განვიხილავთ, მაგრამ ამ კანდიდატებიდან უნდა წარმოვადგინოთ ერთი.
გააჩნია, რამდენ ხანს გაგრძელდება პოლიტსაბჭოს სხდომა, მაგრამ ვფიქრობ, დღეს გასაჯაროვდება გადაწყვეტილება." -განაცხადა ჩუგოშვილმა.

ცესკო-ში სულ 46 განაცხადი შევიდა. მათგან 26 საინიციატივო ჯგუფის, ხოლო 20 პარტიების მიერ წარდგენილი კანდიდატია.

ავტორი: ,

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო