დღეს, საქართველოს შეიარაღებული ძალების კავშირგაბმულობის დღეა.

თავდაცვის სამინისტროს ინფორმაციით, ქართველმა სამხედრო მასამსახურეებმა პროფესიული დღე ვაზიანის სამხედრო პოლიგონზე „კავშირი-2015“ სწავლების დასრულებით აღნიშნეს. ღონისძიებას გენერალური შტაბის წარმომადგენლები და კომპანია „ჰარისის“ ნატოსა და ცეტრალური ევროპის ქვეყნების მთავარი რეგიონალური მენეჯერი, უილიამ მორისი დაესწრნენ.

ხუთდღიან სწავლებაში სახმელეთო ჯარების აღმოსავლეთ და დასავლეთ სარდლობების ქვედანაყოფების კავშირგაბმულობის პირადი შემადგენლობა მონაწილეობდა.

„კავშირი-2015“ მართვის პუნქტების მოწყობას ტაქტიკურ და სტრატეგიულ-ოპერატიულ დონეზე მოიცავდა. სწავლება კავშირგაბმულობით და ინფორმაციული სისტემების საშუალებით მართვისა და კონტროლის მხარდაჭერის დახვეწას ისახავდა მიზნად.

ღონისძიების დასასრულს, კავშირგაბმულობის ოფიცრების დაჯილდოების ცერემონიალი გაიმართა. თავდაცვის მინისტრის ბრძანებით, J-3 ოპერატიული დაგეგმვის დეპარტამენტის უფროსმა, ბრიგადის გენერალმა გიორგი სურმავამ უწყებრივი მედლებით წარჩინებული სამხედრო მოსამსახურეები დააჯილდოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე