ნატო-ში საქართველოს სწრაფ გაწევრიანებას ვერ ვხედავ, – ამის შესახებ გერმანიის კანცლერმა, ანგელა მერკელმა თსუ-ში გამართულ შეხვედრაზე სტუდენტის კითხვის საპასუხოდ განაცხადა.

სტუდენტმა მას ჰკითხა, რამდენად დაუახლოვდა საქართველო ნატო-ს ბუქარესტის სამიტის შემდეგ და რამდენად რეალისტურია ალიანსში ქვეყნის სწრაფ გაწევრიანებაზე საუბარი.

„გულწრფელად რომ გითხრათ, ნატო-ში საქართველოს სწრაფ გაწევრიანებას ვერ ვხედავ, მაგრამ სწორედ ამ კონსტელაციაში, აფხაზეთისა და „სამხრეთ ოსეთის“ კონტექსტში, ჩემი აზრით, სწრაფ გაწევრიანებაზე ვერ ვისაუბრებთ, ყოველ შემთხვევაში, გერმანიის პოზიცია ასეთია და ასეთი დარჩება“, – აღნიშნა მერკელმა.

მისივე თქმით, ყველაფრის მიუხედავად, ბოლო სამიტზე ნატო-საქართველოს პაკეტი დამტკიცდა,

„მიუხედავად ამისა, ნატო-ს ბოლო სამიტზე დამტკიცდა ნატო-საქართველოს პაკეტი. დღეს შევხვდები გერმანელ ჯარისკაცებს, რომლებიც წვრთნებში იღებენ მონაწილებს ქართულ შეიარაღებულ ძალებთან ერთად. ეს არის ის, რაც არის შედარებითი კულტურა შეირაღებული ძალების, ჩვენი ქვედანაყოფების სტანდარტები. მაგალითად, გერმანია და საქართველო ერთობლივად მოქმედებენ ავღანეთში, საქართველო მონაწილეობს ნატო-ს მისიებში, ევროკავშირისა და ნატო-ს მიმართულებით. ნელ-ნელა ყველაფერი ახლოვდება, ყველაფერი იზრდება. ეს არის ჩემი ხედვა“, – განაცხადა გერმანიის კანცლერმა.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის