საქართველოს პრეზიდენტი გიორგი მარგველაშვილი საკონსტიტუციო სასამართლოს გადაწყვეტილებას მარიხუანასთან ლეგალიზაციასთან დაკავშირებით, დადებითად აფასებს

პრეზიდენტის თქმით, საკონსტიტუციო სასამართლომ სწორი გადაწყვეტილება მიიღო და ის სრულად იზიარებს აზრს, რომ ადამიანებს მავნე ჩვევების გამო ციხეში არ უნდა სვამდნენ.

„74% ფიქრობს, რომ მარიხუანას მოხმარება არ არის კარგი და დადებითი ჩვევა. მე შემიძლია შევუერთდე ამ 74%, ალბათ შემიძლია შევუერთდე 99% ვისაც მიაჩნია, რომ სიგარეტის მოხმარება არის კატასტროფა, ალბათ შემიძლია შევუერთდე 100% რომელიც თვლის, რომ ალკოჰოლის მოხმარება არის ცუდი, მაგრამ უნდა გავავლოთ ზღვარი ცუდი და კარგი ჩვევა ერთია და მეორე საკითხია, ამის გამო ადამიანები რამდენად უნდა გვყავდეს ჩასმული ციხეში. უნდა ვისწავლოთ ამ ზღვრის გავლება. აქ ლაპარაკია, რომ ადამიანები ციხეში არ უნდა იყოს ამის გამო. სრულიად სწორი, ღირებულებით გამართული და თავისუფლებაზე არის ორიენტირებული სასამართლოს გადაწყვეტილება. ერთია არ მოგწონდეს რაღაც და მეორე რომ ამის გამო ადამიანს ციხეში სვამდე. თავისუფალი საზოგადოება ამ ზღვარს ძალიან აფართოვებს. მხარს ვუჭერ საკონსტიტუციო სასამართლოს გადაწყვეტილებას და მიმაჩნია, რომ უპასუხისმგებლოა თავდასხმები საკონსტიტუციო სასამართლოზე. ინსტიტუტებს ამ ბოლო დროს ძალიან იოლად ესხმიან თავს, მარჯვნიდან, მარცხნიდან, ზემოდან, ქვემოდან, ამ ინსტიტუტებს თუ დავანგრევთ მაინტერესებს ვინ დაიცავს კანონს“, - განაცხადა პრეზიდენტმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს