„როდესაც საქმე ეხება ყოფილ პოლიტიკურ თანამდებობის პირს, ასეთი სპეკულაციების წამოწყება ადვილია“,- ამის შესახებ ჟურნალისტებს პარლამენტის თავმჯდომარემ ყოფილი მინისტრების პროკურატურაში გამოკითხვის შესახებ საუბრისას განაცხადა.

ირაკლი კობახიძე იმ განცხადებებს გამოეხმაურა, რომლის მიხედვითაც, პოლიტიკურ ანგარიშსწორებაზეა საუბარი.

„მე კიდევ ერთხელ გავიმეორებ, თუ რაიმე კითხვა არსებობს სამართალდამცავი ორგანოების მხრიდან, ეს კითხვები დაისმება და ამ კითხვებს უნდა გაეცეს, ბუნებრივია, პასუხი. დაველოდოთ როგორ წარიმართება ეს პროცესი. ეს არის მათი საქმე, სამართალდამცავი ორგანოების საქმე. ჩვენ ამ პროცესში ვერ ჩავერევით. ჩვენ შეგვიძლია მხოლოდ ჩვენი საზედამხედველო ფუნქციებიდან გამომდინარე დავაკვირდეთ ამ პროცესს და გვქონდეს შესაბამისი რეაგირება.

მე დეტალებიც კი არ ვიცი და ვერც მეცოდინება, ბუნებრივია, ამ საქმის დეტალები, როდის დაიწყო ამ საკითხთან დაკავშირებით, ასე ვთქვათ, განხილვა სამართალდამცავ ორგანოებში, ესეც კი არ ვიცი. ამიტომ, აქ კომენტარის გაკეთება, ბუნებრივია, მე გამიჭირდება. არის კონკრეტული პროცესი. დაისმება  კითხვები და ამ კითხვებს გაეცემა პასუხი",- განაცხადა პარლამენტის თავმჯდომარემ. ​

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს