„დავით ჭიჭინაძის მწვავე კრიტიკა და აგდებული დამოკიდებულება ყოველთვის გასაკვირი იყო“, - ასე გამოეხმაურა „ქართული ოცნების“ პარტიიდან დეპუტატ დავით ჭიჭინაძის გარიცხვას, იუსტიციის მინისტრი თეა წულუკიანი.

მისი განმარტებით, ჭიჭინაძეს არასდროს შეხვედრია და არც მასთან უმუშავია.

„პარტიამ მიიღო ის გადაწყვეტილება, რაც მიიღო. მე ამაში არ ვყოფილვარ ჩართული, მედიიდან შევიტყვე. ახლა ალბათ ეს პროცესი დასრულდა, შემიძლია საზოგადოებასაც ვუთხრა, რომ არასოდეს არ მქონია, შესაძლებლობა ბატონ დავით ჭიჭინაძესთან რამე საკითხზე მემუშავა. მას არ ვიცნობ და არც შევხვედრილვარ. მისი ჩემდამი მწვავე კრიტიკა და აგდებული დამოკიდებულება იყო ყოველთვის გასაკვირი“, -აღნიშნა თეა წულუკიანმა.

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო.

როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს