„გიყურებდით ხოლმე ტელევიზორში და საკუთარ თავსა და ჩემს თაობას ვტიროდი. დიდ იმედებს მაშინ თქვენ ჩვენში არ აღგვიძრავდით“, - ასე მიმართა იუსტიციის მინისტრობის კანდიდატმა  თეა წულუკიანმა „ნაციონალური მოძრაობის“ წევრ რომან გოცირიძეს.

მან რომან გოცირიძე გააკრიტიკა და აღნიშნა, რომ როდესაც ის მაღალ თანამდებობაზე იყო, მას და მის თანატოლებს უპერსპექტივო მომავალი ჰქონდათ.

„თქვენ რომ მაღალი თანამდებობის პირი იყავით ერთ-ერთ სფეროში, მე მაშინ ვიყავი ბავშვი, ეხლა რომ თინეიჯერს ეძახიან და ისე კარგად მახსოვს ის უბედური დრო, როდესაც თქვენ მაღალ თანამდებობაზე იყავით და ჩვენ გვქონდა ასე ვთქვათ უპერსპექტივო ბავშვობა და ახალგაზრდობა, მათ შორის თქვენ მიერ გატარებული სხვადასხვა პოლიტიკების წყალობით. გიყურებდით ხოლმე ტელევიზორში და საკუთარ თავსა და ჩემს თაობას ვტიროდი. დიდ იმედებს მაშინ თქვენ ჩვენში არ აღგვიძრავდით. მჯერა, რომ დღეს, მე რომ იმ დროს ვიყავი იმ ასაკის ბავშვები გვიყურებენ და ცოტა უფრო მეტი იმედიანი თვალები აქვთ, უფრო მეტ იმედს უჩენს ჩემი გამოჩენა ტელევიზორში პატარა გოგონებს, რომლებისთვისაც ბევრი რამ გავაკეთე, რომ უფრო უკეთესი მომავალი ჰქონდეთ. ჩემ ცხოვრებაში დადგა დრო,  როდესაც თეა ბავშვმა წულუკიანმა პასუხი გაგცათ იმაზე, რომ თქვენი პოლიტიკები მე უიმედობაში მაცხოვრებდა“, - მიმართა წულუკიანმა გოცირიძეს.

გოცირიძემ წულუკიანის კომენტარს ინდური სერიალის სცენარი უწოდა.

„კარგია, ინდური სერიალის სცენარია და ალბათ ძალიან ბევრი ახლა ცრემლებს დაღვრის“, - განაცხადა დეპუტატმა, რაზეც წულუკიანისგან ასეთი პასუხი მიიღო: „გეწყინათ ხომ ? არაუშავს ბატონო რომან, ბევრი წლის მერე გაგეცით პასუხი“.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს