კვირიკაშვილის გადადგომასთან დაკავშირებით კითხვები არა პარტნიორებს, არამედ საქართველოს მოქალაქეებს აქვთ, - ამის შესახებ პრეზიდენტმა გიორგი მარგველაშვიმლა ჟურნალისტებს ბრიუსელში განუცხადა, სადაც ნატო-ს სამიტი იმართება.

როგორც მარგველაშვილმა აღნიშნა, აუცილებელია, საზოგადოებამ მთავრობაში განხორციელებულ ცვლილებებთან დაკავშირებით განმარტებები მიიღოს.

„ვინმე ახსნის, რატომ არ აუხსნა არავინ საქართველოს მოქალაქეებს, რატომ წავიდა თანამდებობიდან კვირიკაშვილი? არამარტო ახსნა არ ვიცით, არამედ არ ვიცით, რატომ არ გვიხსნიან. რატომ არ ვართ ღირსი, გავიგოთ, ხომ გვყავდა პრემიერ-მინისტრი, რომელიც თითქოს ისე გამოჩნდა, რომ ეკონომიკური პრობლემების გამო წავიდა და ამ დროს, მაისში იმხელა ეკონომიკური ზრდა გვქონია, რომელიც აქამდე საერთოდ არ ჰქონია საქართველოს. რატომ გაქრა პოლიტიკური ველიდან კვირიკაშვილი, რატომ გაქრა პოლიტსაბჭოდან და სახელმძღვანელობიდან მისი ფოტოს ამოჭრა რატომ ხდება? რა დააშავა ამ ადამიანმა, ეს კითხვა პარტნიორებს კი არა, ნებისმიერ ქართულ ოჯახში აქვთ. აღარ გვეკითხებიან, გვეშველება რამე? გვეკითხებიან კვირიკაშვილი რატომ წავიდა და მე ამაზე პასუხი არ მაქვს“, – განაცხადა პრეზიდენტმა.

შეგახსენებთ, გიორგი კვირიკაშვილმა პრემიერ-მინისტრის თანამდებობა 13 ივნისს დატოვა. იგი აღნიშნულ პოსტს 2015 წლის 30 დეკემბრიდან იკავებდა. 

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა