მიხეილ სააკაშვილი: უკრაინის პრემიერობის ამბიციები არ მაქვს

2015-06-01 13:21:45, 382 ნახვა

პოლიტიკა

საქართველოს ყოფილი პრეზიდენტის მიხეილ სააკაშვილის განცხადებით, მას უკრაინაში პოლიტიკური ამბიციები არ აქვს და მომავალში საქართველოში დაბრუნებას გეგმავს.

ამის შესახებ "ლიგა.ნეტი" გავრცელებულ ინფორმაციასთან დაკავშირებით წერს, რომლის თანახმად, სააკაშვილს უკრაინაში სამომავლოდ პრემიერ-მინისტრის თანამდებობის დაკავება სურს.

„რა აბსურდია, მე უკრაინაში არანაირი პოლიტიკური ამბიციები არ მაქვს. როდესაც ოდესაში ამ პროექტზე მუშაობას დავასრულებ, დიდი სიამოვნებით დავბრუნდები საქართველოში და საქმიანობას იქ გავაგრძელებ", - განაცხადა სააკაშვილმა.

შეგახსენებთ, საქართველოს ყოფილი პრეზიდენტი ოდესის გუბერნატორად დაინიშნა. მას პეტრო პოროშენკომ უკრაინის მოქალაქეობაც მიანიჭა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან