გედევან ფოფხაძე: სააკაშვილს გუბერნატორად დანიშვნას ვულოცავ, მაგრამ ოდესელებს ვერ მივულოცავ

2015-06-01 11:41:08, 364 ნახვა

პოლიტიკა

"სააკაშვილს გუბერნატორად დანიშვნას ვულოცავ, მაგრამ ოდესელებს ვერ მივულოცავ",-ამის შესახებ პარლამენტის ადამიანის უფლებათა დაცვის კომიტეტის თავმჯდომარის მოადგილე გედევან ფოფხაძემ ჟურნალისტებს განუცხადა.
მისივე თქმით, ქართველმა ხალხმა "ნაციონალური მოძრაობა" თავიდან მოიშორა, მაგრამ ეს უღელი ახლა უკრაინელებს დაადგა.
"სააკაშვილს გუბერნატროად დნიშვნას ვულოცავ, მაგრამ ოდესელებს ამავს ვერ მივულოცავ. უკრაინელ ხალხს თანავუგრძნობ. მიმაჩნია, რომ ის არის ჩვენი ერთ-ერთი ისტორიული მოკვაშირე და ძალიან მნიშვნელოვანია ჩემთვის უკრაინელების ბედი. ხალხი, რომელიც უღელად ედგა ქართველ ხალხს მოვიშორეთ და ძალიან ვწუხვარ, რომ ეს უღელი ახლა უკრაინელებს დაადგეს. იმედია, უკრაინაში პოლიტიკური სპექტრი გაირკვევა, რა სჭირდებათ და სააკაშვილი ისეთ ნავსაყუდელს ნახავს, რასაც იმსახურებს",-განაცხადა გედევან ფოფხაძემ.
შეგახსენებთ, საქართველოს ყოფილი პრეზიდენტი მიხეილ სააკაშვილი უკრაინის პრეზიდენტმა პეტრო პოროშენკომ ოდესის საოლქო ადმინისტრაციის ხელმძღვანელად დანიშნა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან