„ჩვენ შემოტანილი გვაქვს პარლამენტში რეზოლუციის პროექტი, რომელიც ითვალისწინებს, სამართლებრივ-პოლიტიკური შეფასება მიეცეს 2004-2012 წლებში სააკაშვილი-ბოკერიას მმართველობას, თუ რა ტიპის მმართველობასთან გვქონდა საქმე“, - ამის შესახებ პარლამენტის ბიუროს სხდომაზე „პატრიოტთა ალიანსის“ ლიდერმა ირმა ინაშვილმა განაცხადა.

დეპუტატი ხორავას ქუჩის საქმეზე შექმნილი საგამოძიებო კომისიის საქმიანობასაც გამოეხმაურა და აღნიშნა, რომ „ის რაც პარლამენტში ხდება, მარაზმია“.

ამასთან, ინაშვილმა საგამოძიებო კომისიის წევრ გიგა ბოკერიას „მწამებელი“ უწოდა.

„მინდა ეხლავე გთხოვოთ, გამოიჩინოთ ძალიან დიდი პასუხისმგებლობა და ყურადღებით მიუდგეთ ამ რეზოლუციის საკითხს. მე მიმაჩნია, რომ ის რაც ხდება საქართველოს პარლამენტში, ეს არის აბსოლუტურად მარაზმი, კონკრეტულად ამ საგამოძიებო კომისიის უმრავლესობას ვგულისხმობ. ეს არის აბსოლუტურად წარმოუდგენელი რამ ქართველი ხალხისთვის, რაც იქ ხდება. მწამებლები იძიებენ მკვლელობის საქმეს. ბოკერიაზე ვამბობ პირდაპირ, რომელსაც ცოცხალი სულხან მოლაშვილი ხელს ადგებდა, რომ უშუალოდ ბოკერიამ აწამა. ჩვენი რეზოლუცია სწორედ ამ საქმეებით  არის დახუნძლული. პარლამენტს 2016 წლის 10 ივნისს მიღებული აქვს ძალიან მნიშვნელოვანი დადგენილება. ეს დადგენილება თან დაერთვება ჩვენს რეზოლუციას. ამ დადგენილებაში დადასტურებულია წამების, არაადამიანიური მოპყრობის, ღირსების შელახვის არაერთი შემზარავი ფაქტი, რაც მხარდაჭერილი და აღიარებულია ასევე საერთაშორისო ორგანიზაციების მხრიდან. სამარცხვინოა უბრალოდ, რომ მწამებელი ბოკერია დღეს ზის და ასე თავხედურად ამ საგამოძიებო კომისიის ფარგლებში, იძიებს მკვლელობის საქმეს. ჩვენ უნდა დავასრულოთ ყველამ ერთად ეს მარაზმი“, - განაცხადა ირმა ინაშვილმა.

ცნობისთვის, ხორავას ქუჩაზე მოზარდების მკვლელობის საქმის შემსწავლელი პარლამენტის დროებითი საგამოძიებო კომისიის სხდომაზე პროკურორ ზვიად ფხაკაძის და შსს-ს წარმომადგენლის, კახა სირაძის გამოკითხვა მიმდინარეობს.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა