„ვერც კი ხვდებიან, როგორი არაჯანსაღია წულუკიანის გადადგომის მოთხოვნა“ - ზარდიაშვილი არასამთავრობოებზე

2018-06-19 14:32:21, 638 ნახვა

კომენტარი

საპარლამენტო უმრავლესობის წევრი ვანო ზარდიაშვილი იუსტიციის მინისტრობის კანდიდატ თეა წულუკიანს მადლობას უხდის.

როგორც ზარდიაშვილმა აღნიშნა, წულუკიანმა ქვეყნისთვის ფასდაუდებელი სამუშაოები გასწია.

„ქალბატონი თეა არის წარმატებული მინისტრი, მან ჩვენს ქვეყანისთვის ფასდაუდებელი სამუშაოები გაწია. განსაკუთრებული მადლობა მინდა გადავუხადო არასრულწლოვანთა მართლმსაჯულების კოდექსისთვის; ანტიდისკრიმინაციული კანონმდებლობისთვის; აღსრულების ახალი კანონისთვის; სისხლის სამართლის კოდექსის ძირეული ცვლილებებისთვის ; დასკვნით ფაზაშია გადახდისუუნარობის ახალი კანონისთვის და სხვა უამრავი საკანონმდებლო ცვლილებისთვის რომელსაც იუსტიციის სამინისტრო ახორციელებს ქალბატონი თეას ხელმძღვანელობით. ვისურვებდი რომ მისნაირ მინისტრებს კიდევ დიდხანს ქონდეთ უანგაროდ და განსაკუთრებული პროფესიონალიზმით მუშაობის საშუალება. ზოგიერთი არასამთავრობო ორგანიზაცია რომლებიც დაცლილი არიან სახელმწიფოებრივი ხედვებისგან ვერც კი ხვდებიან როგორი არაჯანსაღია მათი მოთხოვნა იუსტიციის მინისტრის გადადგომასთან დაკავშირებით“, - განაცხადა ვანო ზარდიაშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები