ვთანხმდებით იმაზე, რომ საქართველოს უნდა ჰქონდეს შემდეგი ტიპის ნარკოპოლიტიკა - მკაცრი და დაუნდობელი ბრძოლა ნარკორეალიზატორებთან და მზრუნველი მიდგომა მომხმარებლებთან, - ამის შესახებ იუსტიციის მინისტრმა თეა წულუკიანმა განაცხადა.

მინისტრი მიიჩნევს, რომ მცდარია მოსაზრება იმასთან დაკავშირებით, რომ დღევანდელი ნარკოპოლიტიკა საერთოდ არ აქცევს ყურადღებას მომხმარებელს.

„ჩვენ 2013 წლიდან ვმსჯელობდით უწყებათაშორისო საბჭოს ფარგლებში, თუ როგორი უნდა იყოს სასურველი მოდელი. ამ მსჯელობის დამსახურებაა ის არაერთი სასიკეთო ნაბიჯი რაც გადაიდგა. მაგალითად, არის ეს ზედოზირების შემთხვევაში ვალდებულების გაუქმება, რომ ექიმმა პოლიციას შეატყობინოს. ამან რეალურად პრაქტიკაში მოგვცა, ის რომ დღეს ქართულ ციხეებში მხოლოდ მოხმარებისთის მხოლოდ 2 ადამიანი იხდის სასჯელს. ამიტომ, მცდარია მოსაზრება იმასთან დაკავშირებით, რომ დღევანდელი ნარკოპოლიტიკა საერთოდ არ აქცევს ყურადღებას მომხმარებელს, რომელსაც მზრუნველობა სჭირდება და არა ციხე როგორც პასუხი. თუმცა ჩვენ ამაზე რა თქმა უნდა არ უნდა გავჩერდეთ - არც გავრჩელებულვართ და ძალიან აქტიურ დისკუსიაში ჩავებით მათ შორის პარლამენტთან და იმ პაკეტის ინიციატორებთან, რომელიც ამჟამად განიხილება იურიდიულ კომიტეტში. იმ პაკეტში სულ თავიდან გათვალისწინებული იყო ყველა ნივთიერების მოხმარების არა თუ ლიბერალიზაცია არამედ დეკრიმინალიზაცია და ბევრი სხვა სიახლე, მათ შორის გამსაღებლებთან მიმართებაში, რაც დისკუსიის ფარგლებში დაიხვეწა. ჩვენ ვთანხმდებით იმაზე, რომ საქართველოს უნდა ჰქონდეს შემდეგი ტიპის ნარკოპოლიტიკა - მკაცრი და დაუნდობელი ბრძოლა ნარკორეალიზატორებთან - აქ შეიძლება გამკაცრებაზეც ვიფიქროთ, და უფრო მზრუნველი მიდგომა მომხმარებლებთან, მაგრამ ისე რომ მიწოდება და ზიანი შემცირდეს და რომ დაცული იყოს ყველა ის ადამიანი, ვინც დღეს არ არის მომხმარებელი იმისგან, რომ ის ვინმემ აცდუნოს, იმიტომ რომ მომხმარებელი თუ გამსაღებელი შესაბამის პასუხს ვერ იღებს სახელმწიფოსგან. დღევანდელი მდგომარეობით მსჯელობის რა ეტაპზეც ვართ იგულისხმება რომ მომხმარებელთა მიმართ მოხდეს სისტემის ლიბერალიზაცია, სოციალური ელემენტების გაძლიერება და შემცირება სისხლის სამართლებრივი პასუხის. მაგრამ ამ ეტაპზე საუბარი არ მიდის იმაზე რომ ჩვენს ქვეყანაში დაკანონდეს ნარკოტიკების მოხმარება. მოდელი არის ასეთი - მომხმარებლებს მეტი ზრუნვა, რეალიზატორებთან გამკაცრებული ბრძოლა“, - განაცხადა თეა წულუკიანმა.

ავტორი: ,

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის