სსიპ სოფლის მეურნეობის სამეცნიერო-კვლევითი ცენტრის მეცნიერ-თანამშრომლებს, თბილისსა და წილკანის ბაზაზე ორდღიანი „ტრენერთა ტრენინგი“ ჩაუტარდათ.

სასწავლო კურსი, სოფლის მეურნეობის სამეცნიერო-კვლევითი ცენტრისა და კარტოფილის საერთაშორისო ცენტრის ერთობლივი პროექტის „საქართველოში სოფლად საარსებო საშუალებების გაძლიერება: ჯანსაღი თესლის წარმოების ინტეგრირებული მიდგომის დანერგვა კარტოფილის ადგილობრივი თესლწარმოების სისტემაში“ ფარგლებში განხორციელდა და მას საქართველოში კარტოფილის საერთაშორისო ცენტრის წარმომადგენლობამ (CIP) გაუწია ორგანიზება. პროექტი დაფინანსებულია ავსტრიის განვითარების სააგენტოს მიერ.

ტრენინგი მიზნად ისახავდა მსმენელთათვის მეკარტოფილეობის დარგში ჯანსაღი სათესლე მასალის მიღების, ეპიდემიათა წარმოშობის, განვითარებისა და მასთან ბრძოლის საკითხებზე ინფორმაციის მიწოდებას. ტრენინგის მონაწილეები გაეცნენ საერთაშორისო დონეზე აღიარებულ კომპიუტერულ პროგრამას „სასოფლო-სამეურნეო წარმოების სისტემების იმიტატორი (APSIM)”, როგორც ერთ-ერთ ყველაზე თანამედროვე და სრულყოფილი მოსავლიანობის სისტემის მოდელს, პრაქტიკაში მისი გამოყენების წესებსა და მუშაობის პრინციპებს. APSIM პროგრამას გააჩნია სხვადასხვა მოდულები, რომელიც სისტემათა სიმულაციის საშუალებას იძლევა ისეთ მიმართულებებში, როგორებიცაა: მემცენარეობა, მეცხოველეობა, ნიადაგმცოდნეობა და სხვა. პროგრამის გარემოსდაცვით მოდულს გააჩნია ისეთი ცვლილებების დაფიქსირების შესაძლებლობა, როგორებიცაა: კლიმატისა და ამინდის, ნიადაგის მახასიათებლების (წყლის ბალანსი, საკვები ელემენტები, ტემპერატურა), წარმოების ნარჩენებისა და ეროზიის ცვლილება. მენეჯმენტის მოდულის გამოყენებით, შესაძლებელია სხვადასხვა კულტურების დათესვასთან, თესვის ინტენსივობასთან, მოსავლის აღებასთან, ხვნასთან, ნიადაგის დამუშავებასთან, სასუქების გამოყენებასთან და საძოვრების მენეჯმენტთან დაკავშირებული ცვლილებების განსაზღვრა.

კვლევითი ცენტრისა და კარტოფილის საერთაშორისო ცენტრის ერთობლივი პროექტის ფარგლებში, კვალიფიციური ექსპერტების მიერ ცენტრის 20 მეცნიერ-თანამშრომელი გადამზადდა.

(NS)

ავტორი: ,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა