2018-04-29 11:33:42, 1969 ნახვა
მსოფლიო
სომხეთის „რესპუბლიკური პარტია“ პრემიერ-მინისტრის პოსტზე თავის კანდიდატს არ წარადგენს
სომხეთის მმართველი „რესპუბლიკური პარტია“ პრემიერ-მინისტრის პოსტზე თავის კანდიდატს არ წარადგენს. ამის შესახებ სომხეთის პარლამენტის ვიცე-სპიკერმა ედუარდ შარმაზანოვმა განაცხადა.
„ჩვენ გადაწყვეტილება მივიღეთ, არ წარვადგინოთ ჩვენი კანდიდატი პრემიერ-მინისტრის პოსტზე. დაველოდებით სხვა კანდიდატების წარდგენას. მას შემდეგ, რაც ყველაფერი გასაგები გახდება, ჩვენ მხარს დავუჭერთ ან არ დავუჭერთ სხვა კანდიდატს“, - განაცხადა შარმაზანოვმა.
მისივე თქმით, „რესპუბლიკური პარტიის“ მმართველობის პერიოდში სომხეთში ყველა მიმართულებით პროგრესი დაფიქსირდა.
შეგახსენებთ, რომ ყოფილი პრემიერ-მინისტრი სერჟ სარგსიანი თანამდებობიდან 23 აპრილს გადადგა. 25 აპრილს, ოპოზიციამ ნიკოლ ფაშინიანი პრემიერ-მინისტრობის კანდიდატად წარადგინა.
![]()
ავტორი: ,
epn.ge (@expressnews.ge)
