პენტაგონის წარმომადგენელი: კოალიციური ძალების დარტყმამ სირიის ქიმიური იარაღის პროგრამას ბოლო მოუღო

2018-04-14 18:52:49, 2269 ნახვა

მსოფლიო

პენტაგონის ოფიციალური წარმომადგენლის კენეტ მაკკენზის განცხადებით, ამერიკის შეერთებულმა შტატებმა, დიდმა ბრიტანეთმა და საფრანგეთმა სირიაში ქიმიური იარაღის მწარმოებელ ობიექტებზე 105 სარაკეტო იერიში მიიტანეს, - ამის შესახებ UsaToday იუწყება.

პენტაგონის ცნობით, სარაკეტო იერიში სულ სამ ადგილას განხორციელდა - დამასკოს მახლობლად მდებარე კვლევით ცენტრზე და პროვინცია ჰომსის მახლობლად ქიმიური იარაღის 2 საწყობზე.

მაკკენზის განცხადებით, ამ იერიშით სირიის ხელისუფლების ქიმიური იარაღის პროგრამას "რამდენიმე წლით" ბოლო მოეღო.

აშშ-ის თავდაცვის სამინისტროს კიდევ ერთი წარმომადგენლის, დანა უაითის თქმით, ამერიკას სირიაში კონფლიქტის გაჩაღება არ სურს, თუმცა საერთაშორისო სამართლის ნორმების დარღვევას არ შეეგუება. მანვე დასძინა, რომ რაკეტებმა წარმატებით გაანადგურეს თითოული სამიზნე.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები