ქაშვეთის ეკლესიაში ცნობილი ქართველი მსახიობის ლეილა აბაშიძის სამოქალაქო პანაშვიდი მიმდინარეობს.

მსახიობის ოჯახის წევრებს საზოგადოებისთვის ცნობილი სახეები და რიგითი მოქალაქეები უსამძიმრებენ.

მომღერალ ვახტანგ (ბუბა) კიკაბიძის თქმით, ლეილა აბაშიძე გენიალური მსახიობი იყო და მისი შემოქმედება მუდამ დარჩება ქართულ კინო ისტორიაში.

„ცოტა ხნის წინ ჟურნალისტებმა ინტერვიუს თაობაზე დამირეკეს და მე მათ ასეთი რამ ვუთხარი, საქართველოში მხოლოდ მაშინ ახსენდები, როცა კვდები“, - განაცხადა ბუბა კიკაბიძემ.

ქაშვეთის ეკლესიაში ქვეყნის პრეზიდენტს გიორგი მარგველაშვილს, პრემიერ-მინისტრ გიორგი კვირიკაშვილს და მთავრობის სხვა წევრებს ელოდებიან.

ლეილა აბაშიძეს დღეს საბურთალოს პანთეონში, დედის გვერდით დაკრძალავენ.

შეგახსენებთ, ლეილა აბაშიძე 8 აპრილს, 88 წლის ასაკში გარდაიცვალა. მსახიობს ჯანმრთელობასთან დაკავშირებული პრობლემები ჰქონდა, რის გამოც 14 თებერვალს ხეჩინაშვილის კლინიკაში მოათავსეს.

ავტორი: ,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით