ოკუპირებული ცხინვალის დე-ფაქტო ინფორმაციის კომიტეტის თავმჯდომარის მარია კოტაევას განცხადებით, ქართული მხარე ძალის გამოუყენებლობის შესახებ შეთანხმებას მსოფლიოში ანტირუსული კამპანიის გამო არ დათანხმდა.

ინფორმაციას "სპუტნიკ ოსეტია" ავრცელებს.

როგორც კოტაევამ აღნიშნა, ჟენევის მოლაპარაკებები, ევროპის მასშტაბით რუსი დიპლომატების გაძევებას დაემთხვა. იგი მიიჩნევს, რომ ქართულ მხარეს "დასავლელი მფარველების გაბრაზება არ სურდა".

"საქართველოს ხელისუფლებამ მარტის შუა რიცხვებში განაცხადა, რომ ძალის გამოუყენებლობის შესახებ შეთანხმებას შესაძლოა ხელი მოაწეროს. ამის ფონზე სამხრეთ ოსეთში გაჩნდა ერთგვარი მოლოდინი, თუმცა ჟენევის მოლაპარაკებების დროს ქართულმა მხარემ ისევ დაიწყო რუსეთის დადანაშაულება ოკუპაციაში. შედეგად წინ ნაბიჯი არ გადაიდგა და შეთანხმებას ვერ მივაღწიეთ. ნათელია, რომ საქართველოს ხელისუფლებამ, ანტირუსული კამპანიის ფონზე, ვერ გაბედა დამოუკიდებელი გადაწყვეტილების მიღება, რათა დასავლელი მფარველები არ გაებრაზებინა", - განაცხადა კოტაევამ.

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა