ჩვენ ვისმენთ სრულიად უპასუხისმგებლო განცხადებებს ოპოზიციის ზოგიერთი წარმომადგენლის მხრიდან ჟენევის ფორმატთან დაკავშირებით, - ამის შესახებ ვიცე-პრემიერმა, საგარეო საქმეთა მინისტრმა მიხეილ ჯანელიძემ განაცხადა.

მისი თქმით, კვირიკაშვილის ინიციატივა ძალიან კონკრეტულია და ჟენევის ფორმატის გაძლიერებას გულისხმობს.

„პრემიერ-მინისტრის მოწოდება და ინიციატივა არის ძალიან კონკრეტული და გულისხმობს არა ჟენევის ფორმატის მოშლას, არამედ, პირიქით, ჟენევის ფორმატის გაძლიერებას, კიდევ უფრო მეტი პოლიტიკური ჩართულობით“, - განაცხდა ჯანელიძემ.

ვიცე-პრემიერის განცხადებით, მნიშვნელოვანია, რომ საქართველოს მთავრობის მოთხოვნას, რუსეთის ფედერაციამაც უპასუხოს.

„ძალიან მნიშვნელოვანია საერთაშორისო საზოგადოების და საქართველოს მთავრობის მოთხოვნას უპასუხოს ასევე რუსეთის ფედერაციამ და შესაბამისად, მაღალი პოლიტიკური დონის მონაწილეობით და ნების გამოხატვით, შესაძლებელი გახდეს შემდგომი ნაბიჯების გადადგმა ჟენევის საერთაშორისო დისკუსიების ფორმატში, რათა მოხდეს კონფლიქტის მშვიდობიანი დარეგულირება“, -  აღნიშნა ჯანელიძემ. 

ავტორი: ,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს