ნილს სკოტი: მოვითხოვთ გამჭვირვალე გამოძიებას, მაგრამ პირველ რიგში ცხედარი სასწრაფოდ ოჯახს უნდა გადაეცეს

2018-03-05 11:27:53, 1577 ნახვა

კომენტარი

გაერთიანებული ერების ორგანიზაცია ტატუნაშვილის გარდაცვალების საქმის გამჭვირვალე გამოძიებას ითხოვს.

ამის შესახებ ჟურნალისტებს გაერო-ს ელჩმა საქართველოში ნილს სკოტმა განუცხადა.

თუმცა, პირველ რიგში, ელჩის თქმით, მნიშვნელოვანია, ცხედარი ოჯახს გადაეცეს და ორი ადამიანი, რომელიც ტატუნაშვილთან ერთად დააკავეს, საქართველოს კონტროლირებად ტერიტორიაზე დაბრუნდეს:

"გაერთიანებული ერების ორგანიზაცია ძალიან დიდი შეშფოთებით ადევნებს თვალს ტატუნაშვილის შემთხვევის განვითარებას. მოვითხოვთ გამჭვირვალე გამოძიებას, რომელიც ინფორმაციას მისცემს ყველა დაინტერესებულ მხარეს, მაგრამ პირველ რიგში, უმნიშვნელოვანესია, რომ ცხედარი სასწრაფოდ გადაეცეს ოჯახს და ასევე ორი ადამიანი, რომელიც ამჟამად რჩება ცხინვალში, იქნას გათავისუფლებული", - განაცხადა ელჩმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები