ლინას ლინკევიჩუსი ტატუნაშვილის გარდაცვალების საკითხს ევროკავშირის საგარეო საქმეთა საბჭოს სხდომაზე დააყენებს

2018-02-26 09:41:07, 1998 ნახვა

პოლიტიკა

ლიტვის საგარეო საქმეთა მინისტრი ლინას ლინკევიჩუსი ოკუპირებულ ცხინვალში საქართელოს მოქალაქის არჩილ ტატუნაშვილის გარდაცვალებას გამოეხმაურა.

როგორც ლინკევიჩუსი Twitter-ის საკუთარ გვერდზე წერს, ადგილზე ადამიანის უფლებათა საერთაშორისო მექანიზმი უნდა შეიქმნას.

"რუსეთის მიერ ოკუპირებულ სამხრეთ ოსეთში რეპრესიული რეჟიმის მახინჯი სახე. ვგმობ საქართველოს მოქალაქეების დევნას და მოვითხოვ ადგილზე ადამიანის უფლებათა და უსაფრთხოების საერთაშორისო მექანიზმები შეიქმნას. ამ საკითხს ორშაბათს ევროკავშირის საგარეო საქმეთა საბჭოს სხდომაზე წამოვაყენებ", - წერს ლიტვის საგარეო მინისტრი.

ცნობისთვის, 22 თებერვალს ცხინვალის საავადმყოფოში, საქართველოს მოქალაქე არჩილ ტატუნაშვილი გაურკვეველ ვითარებაში გარდაიცვალა. საგარეო საქმეთა სამინისტროს ინფორმაციით, საოკუპაციო რეჟიმმა 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში უკანონოდ დააკავა.

MFA condemns the death of Archil Tatunashvili followed after unlawful activities of the occupation regime. Such illegal actions,victims of which become Georgian citizens,reveals the necessity of immediate creation of international mechanisms on the ground https://t.co/yi2JOl7eeR pic.twitter.com/ien2TRWKD5
— MFA of Georgia (@MFAgovge) February 23, 2018