შრომის უსაფრთხოების დაცვის მოთხოვნით "აუდიტორია 115"-ის აქცია-მსვლელობა საქართველოს პარლამენტთან გრძელდება.

როგორც აქციის ორგანიზატორები აცხადებენ, ბოლო 6 წლის სტატისტიკა საგანგაშოა და 2011 წლიდან 2017 წლამდე 1209 მშრომელი დაიღუპა და დასახიჩრდა.

როგორ „აუდიტორია 115“-ის წევრმა ირაკლი კუპრაძემ განაცხადა, შრომის უსაფრთხოებასთან დაკავშირებით კანონპროექტი პარლამენტში  უკვე რამდენიმე თვის განამვლონბაში განიხილება. თუმცა მისივე თქმით, რეალური შედეგის მომტანი ეს განხილვა არ არის.

„ იმის გამო რომ პარლამენტი უკვე რამდენი თვის განმავლობაში, საკითხს სათანადო ყურადღებას არ აქცევს, ისინი პერიოდულად განიხილავენ კანონპროექტს, თუმცა მისი განხილვა ამ მომენტისთვის შეჩერებულია. ქვეყნის  მასშტაბით უამრავი ადამიანი იღუპება, ჩვენ არ გვყავს დასაკარგი ხალხი. მოვითხოვთ, რომ კანონპროექტს სათანადო ყურედღება მიაქციონ და რაც შეიძლება  სწრაფად შევიდეს ის ძალაში", - განაცხადა კუპრაძემ.

მისივე თქმით, ბიზნესი კანონპროექტის შეჩერებით სარგებელს იღებს.

„ არ არის დაწესებული ჯარიმები და ბიზნესს ურჩევნია გადაიხადოს ჯარიმა ნაცვლად იმისა, რომ სამუშაო ადგილას შრომის ნორმები მაქსიმალურად იყოს დაცული“,- განაცხადა კუპრაძემ.

სტუდენტებს ასავე არასამთავრობო ორგანიზაციის წარმომადგენლები შეუერთდნენ. მათ ადგილზე ბანერები აქვთ მიტანილი წარწერით: „არა მონურ შრომას“, „ჩვენი სიჩუმე მუშას კლავს“, „ბიზნესელიტა ჩვენი ჯანმრთელობით ვაჭრობს“, „თავისუფლება, თანასწორობა, სოლიდარობა“, „მოვითხოვთ უსაფრთხო შრომას“.

პარლამენტთან ასამდე ადამიანია შეკრებილი.

აქციის მონაწილეების უსაფრთხოებას საპატრულო პოლიციის ეკიპაჟები იცავენ.

ავტორი: ,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი