საქართველოს ევროპულ და ევროატლანტიკურ სტრუქტურებში ინტეგრაცის საკითხებში სახელმწიფო მინისტრის დავით ბაქრაძის განცხადებით, ქართული მხარე, ტერიტორიული მთლიანობისა და საგარეო პრიორიტეტების პატივისცემის გათვალისწინებით, რუსეთთან დიალოგისთვის მზად არის. 

ამის შესახებ, ბაქრაძემ ჟურნალისტებთან საუბარში რუსეთის საგარეო საქმეთა მინისტრის მოადგირის გრიგორი კარასინის განცხადებასთან დაკავშირებით აღნიშნა. 

„ძალიან ძნელია მხოლოდ კარსინის განცხადებაზე კომენტარის გაკეთება. ამ თვალსაზრისით ჩვენმა სპეციალურმა წარმომადგენელმა, როგორც ვიცი დაადასტურა, რომ ამ მიმართულებით კონკრეტული დავალება არ არსებობს. გარდა ამისა, ზოგადად პოზიცია ერთმნიშვნელოვანია. საქართველოს ტერიტორიული მთლიანობის, ჩვენი ძირითადი საგარეო პრიორიტეტების პატივისცემის გათვალისწინებით, მზად ვართ დიალოგისთვის“, – აღნიშნა ბაქრაძემ. 

ცნობისთვის, რუსეთის საგარეო საქმეთა მინისტრის მოადგილემ გრიგორი კარასინმა განაცხადა, რომ ის საქართველოს პრემიერ-მინისტრის სპეციალურ წარმამადგენელთან  ზურაბ აბაშიძესთან  ერთად მაღალი დონის შეხვედრის მოსამზადებლად მუშაობს.
„მაღალი დონის შეხვედრებისთვის აუცილებელი ნიადაგის შესაბამისად მოსამზადებლად ვმუშაობთ მე და აბაშიძე ორივე ქვეყნის ხელმძღვანელების დავალებით“, – აღნიშნა კარასინიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა