ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრი, ეკა ბესელია ევროსასამართლოს გადაწყვეტილებების აღსრულებაზე ზედამხედველობის ქვეკომიტეტის თავმჯდომარედ მეორე ვადით აირჩიეს.

„ევროსასამართლოს გადაწყვეტილებების აღსრულებაზე ზედამხედველობის ქვეკომიტეტი, რომელშიც მეორე ვადით მივიღე მხარდაჭერა თავმჯდომარეობის თაობაზე, მნიშვნელოვანი ქვეკომიტეტია, რომელიც  ევროსასამართლოს გადაწყვეტილებების აღსრულებაზე წევრი ქვეყნების მდგომარეობას აკონტროლებს. ამ მხრივ ეს არის ძალიან მნიშვნელოვანი შესაძლებლობა, განსაკუთრებით იმ ვითარებაში, როდესაც საქართველოს 2016 წლიდან  უკვე აქვს ევროსასამართლოს გადაწყვეტილებების ზედამხედველობის ერთ-ერთი საუკეთესო მექანიზმი",- განაცხადა ეკა ბესელიამ.

საქართველოს პარლამენტის იურიდიულ საკითხთა კომიტეტის თავმჯდომარემ განაცხადა, რომ საქართველო იმ ლიდერ ქვეყნებს შორისაა, რომლებსაც ევროსასამართლოს გადაწყვეტილებების აღსრულების კუთხით, კარგი მაჩვენებელი აქვს.

„მეორე ვადით ჩემი თავმჯდომარეობა გამოყენებულ იქნება იმისთვის, რომ მოეწყოს სპეციალური განხილვები, მოსმენები, თუ როგორ სრულდება ეს გადაწყვეტილებებები არა მხოლოდ საქართველოს მაგალითზე, არამედ ევროსაბჭოს წევრი სხვა ქვეყნების მაგალითზეც",- აღნიშნა ეკა ბესელიამ. ​

ბესელია, ასევე მეორედ, ლორდ ბალფთან ერთად ვენეციის კომიისიის დემოკრატიული არჩევნების საბჭოშიც აირჩიეს.

ეკა ბესელია პირველად ქვეკომიტეტის თავმჯდომარე 2016 წლის 26 იანვარს გახდა.

სტრასბურგში ევროპის საბჭოს საპარლამენტო ასამბლეის ზამთრის სესია 22 იანვარს დაიწყო და 26 იანვრამდე გაიმართება.

ავტორი: ,

სოციალური ქსელები

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა