საქართველო დადებითი კუთხით ვითარდება და ეს ძალიან კარგ პოლიტიკურ იმპულსს მისცემს სხვა ქვეყნებსაც,-ამის შესახებ საქართველოს პრეზიდენტმა გიორგი მარგველაშვილმა ბრიუსელში, ვროკავშირის სამეზობლო პოლიტიკისა და გაფართოების საკითხებში ევროკომისარ იოჰანეს ჰანთან შეხვედრის შემდეგ გამართულ ერთობლივ პრესკონფერენციაზე განაცხადა.
მარგველაშვილის თქმით, შეხვედრაზე საუბარი შეეხო საქართველოს მიერ ვიზალიბერალიზაციის სამოქმედო გეგმის შესრულების მესამე პროგრესულ ანგარიშსა და ამ ანგარიშიდან გამომდინარე საქართველოს შემდგომ ნაბიჯებს.
"შეხვედრაზე გამოვყავით ის ძირითადი პრიორიტეტბი ჩვენს ძირითად პარტნიორთან ევროკავშირში და ვისაუბრეთ განვითარების იმ მიმართულებაზე, რომლებიც რიგის სამიტამდე ერთი თვით ადრე დავსახეთ.ხაზი გავუსვით იმ პოზიტიურ შედეგს, რომელსაც ჩვენმა ქვეყანამ მიაღწია, მათ შორის ასოცირების ხელმოწერამდეც დემოკრატიული ინსტიტუტების განვითარების თვალსაზრისით.საქართველოს რეფორმების თვალსაზირისთ საკმაოდ ამბიციური დღის წესრიგი ჰქონდა.ამ ყველაფერს ცოტა ხნის წინ, საკმაოდ პოზიტიური მოხსენება მოჰყვა.ვისაუბრეთ იმაზეც, თუ რა უნდა გაკეთდეს ამ მოხსენებიდან გამომდინარე, ვაჭრობის შესახებ ასევე შევთანხმდით იმაზე, რომ ამ ხელშეკრულების შესრულება დადებითად აისახება საქართველოს ეკონომიკურ განვითარებზე.ყურადღება გავამახვილეთ ორმხრივი პარტნიორობის განვითარების პერსპექტივებზეც.ჩვენი ურთიერთობა პოზიტიური ფორმატით ვითარდება.ამას თვალყურს  ადევნებენ ჩვენი პარტნიორი ქვეყნები, საქართველო დადებითი კუთხით ვითარდება და ეს ძალიან კარგ პოლიტიკურ იმპულსს მისცემს სხვა ქვეყნებსაც",-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა