გამოცემა Vanguardia-ს მიერ ჩატარებული ეგზიტპოლების მიხედვით, დამოუკიდებლობის მომხრე პარტია კატალონიის რეგიონალურ პარლამენტში ყველაზე მეტ მანდატს მიიღებს. ინფორმაციას ამის შესახებ Independent-ი ავრცელებს.
გამოკითხვის თანახმად, არჩევნებს პარტია Ciudadanos (მოქალაქეები) იგებს, რომელიც 34-37 ადგილს მიიღებს. თუმცა, დამოუკიდებლობის მომხრე ძალები ERC, Junts per Catalunya და CUP-ი 67-დან 71 ადგილს მიიღებენ.
არჩევნებზე სულ 2680 უბანი იყო გახსნილი. ხმის მიცემის პროცესი ადგილობრივი დროით დილის 9 საათზე დაიწყო.  
მთელი დღის განმავლობაში უბნებთან ამომრჩევლების რიგები არ წყდებოდა.  ხელისუფლების განცხადებით, ინციდენტები გაცილებით ნაკლები იყო, ვიდრე სხვა არჩევნებზე ყოფილა. სერიოზული დარღვევები არ დაფიქსირებულა. 
ამომრჩეველთა რაოდენობა რეგიონში 5,55 მილიონია. მათგან 226 ათასი საზღვრებს გარეთ ცხოვრობს.
არჩევნების შედეგად 135 დეპუტატს აირჩევენ. მათგან 85 ბარსელონიდან იქნება, 17- ჟირონიდან, 15 - ლირიდიდან, 18 - ტარაგონიდან. 
კატალონიის პარლამენტში უმრავლესობას 68 დეპუტატი წარმოადგენს.
2 ნოემბერს ესპანეთის სასამართლომ კატალონიის მთავრობის 8 ყოფილ მაღალჩინოსანს პატიმრობა შეუფარდა. მათ ბრალად ამბოხსა და საბიუჯეტო სახსრების გაფლანგვაში ედებათ. 8 ნოემბერს ესპანეთის საკონსტიტიუციო სასამართლომ კატალონიის პარლამენტის მიერ 27 ოქტომბერს მიღებული დამოუკიდებლობის რეზოლუცია უკანონოდ ცნო. დამოუკიდებლობის გამოცხადებიდან ერთ საათში, ესპანეთის სენატმა კონსტიტუციის 155-ე აამოქმედა. რაც ბარსელონის ხელისუფლების მადრიდზე დაქვემდებარებას და რეგიონის ავტონომიის გაუქმებას გულისხმობს.

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა