2017-12-16 15:26:40, 2521 ნახვა
მსოფლიო
ისრაელის არმიასა და პალესტინელებს შორის შეტაკების შედეგად, კიდევ 2 ადამიანი დაიღუპა
ისრაელის არმიასა და პალესტინელ აქტივისტებს შორის მომხდარი შეტაკების შედეგად, ორი პალესტინელი დაიღუპა, - ამის შესახებ "რია ნოვოსტი" იუწყება.
მედია საშუალების ინფორმაციით, მორიგი შეტაკება ღაზას სექტორში და მდინარე იორდანეს დასავლეთ ნაწილში მოხდა. შეტაკების დროს კიდევ 263 ადამიანმა სხვადასხვა სახის დაზიანება მიიღო.
პალესტინელებსა და ისრაელის არმიას შორის შეტაკებები უკვე ერთ კვირაზე მეტია გრძელდება. ბოლო მონაცემებით, სიტუაციის გაუარესების შედეგად სულ 6 ადამიანი დაიღუპა, 1900-ზე მეტი კი, დაშავდა.
შეგახსენებთ, რომ 6 დეკემბერს ამერიკის შეერთებული შტატების პრეზიდენტმა დონალდ ტრამპმა იერუსალიმი ისრაელის დედაქალაქად აღიარა. მას შემდეგ ახლოაღმოსავლეთში შეტაკებები დაიწყო. ამასთან, მუსულმანურმა ქვეყნებმა ტრამპის გადაწყვეტილება დაგმეს და მასშტაბური აქციები გამართეს.
![]()
ავტორი: ,
epn.ge (@expressnews.ge)
